Կորոնավիրուսի սպառնալիքի պատճառով Ավստրիան դադարեցրել է Իտալիայի հետ երկաթուղային հաղորդակցությունը
Այս թեմայով
- Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները
- Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի
- Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail
- Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել
Նոր կորոնավիրուսի տարածման սպառնալիքի պատճառով «Ավստրիական դաշնային երկաթուղիներ» ընկերությունը դադարեցրել է Ավստրիայի եւ Իտալիայի միջեւ մարդատար գնացքների երթեւեկությունը՝ Բրեներ սահմանային ալպյան լեռնանցքով: Այս մասին նշված է Twitter-ում հրապարակված ավստրիական ընկերության հայտարարության մեջ, փոխանցում է ՏԱՍՍ-ը:
«Ներկայումս Բրեներով գնացքների երթեւեկութունն անհնար է: Պատճառը պաշտոնական արգելքն է»,- նշված է ընկերության հայտարարության մեջ:
Արգելքը տարածվում է Ավստրիայի եւ Իտալիայի միջեւ հեռագնա եւ միջքաղաքային գնացքների երթեւեկության վրա՝ մինչեւ սանիտարական իշխանությունների հետագա կարգադրությունը: Կիրակի երեկոյան ավստրիա-իտալական սահմանը հատել չկարողացած գնացքների թվում է «Նիս-Մոսկվա» ճեպընթացը, հայտնել է Մամուլի ավստրիական գործակալությունը:
Կիրակի Ավստրիան արգելել էր Իտալիայից գնացքի երթեւեկությունը՝ կասկածելով, որ երկու ուղեւոր կարող էին վարակված լինել նոր կորոնավիրուսով: Արդյունքում Գերմանիայի երկու քաղաքացի հոսպիտալացվել է բարձր ջերմությամբ: Նոր կորոնավիրուսի ստուգման նրանց անալիզները բացասական էին: Մնացյալ ուղեւորները կարողացել են վագոններից դուրս գալ եւ հետագա կարգադրության են սպասում կայարանում: Ավստրիական երկաթուղիների օպերատորը խոստացել է գերազանցապես Ավստրիայի եւ Գերմանիայի քաղաքացի ուղեւորներին ապահովել սնունդով եւ ըմպելիքներով:
Իտալիայում ամեն օր աճում է կորոնավիրուսով վարակվածների թիվ: Այնտեղ արդեն գրանցվել է մահվան 3 դեպք: