Սննդի չափաբաժին՝ տարբեր կենսակերպ ունեցող մարդկանց համար
Եթե դուք ժամանակի մեծ մասն անցկացնում եք համակարգչի կամ գրասենյակի սեղանի առջեւ, ապա խորհուրդ ենք տալիս սննդի հետեւյալ չափաքանակը.
ոչ յուղոտ միս կամ ձուկ՝ 100 գրամ;
անյուղ կաթնաշոթ՝ 100 գրամ;
վարսակի կամ այլ փաթիլներով շիլա՝ 200 գրամ;
խաշած բրինձ՝ 100 գրամ;
խաշած բանջարեղեն կամ բանջարեղենային ռագու՝ 300 գրամ;
թարմ բանջարեղենով աղցան՝ 200 գրամ;
սեւ հաց՝ 30 գրամ;
բնական յոգուրտ՝ 150 գրամ:
Եթե ձեր գործունեությունը կապված է ակտիվ կամ ծանր ֆիզիկական ծանրաբեռնվածության հետ, նշված չափաբաժնին կարելի է ավելացնել ավելի կալորիական մի քանի այլ մթերքներ: Օրինակ՝ մարզիկները կամ ֆիթնեսին շատ ժամանակ հատկացնող մարդիկ ամեն օր պետք է մեծ քանակությամբ սպիտակուցներ օգտագործեն: Կարելի է ձկան, մսի կամ կաթնաշոռի չափաբաժինը հասցնել 200 գրամի, իսկ շիլաների բաժինը նվազեցնել՝ հասցնելով 100 գրամի:
Հարկ է նաեւ նշել, որ նիհարելու համար սննդակարգի դեպքում պետք է մեծ քանակությամբ հանքային եւ պարզ ջուրջ խմել կամ առանց շաքարավազի խոտաբույսերով թեյ: Բայց հարկավոր է հետեւել մեկ կարեւոր կանոնի. հեղուկ կարելի է օգտագործել ուտելուց 30 րոպե առաջ եւ հետո: