«Սուրբ Վալենտինի օրվա առթիվ մի մեջբերում Կայզերական Գերմանիայի Գերագույն դատարանի 1936-ի մի որոշումից».Գոռ Հովհաննիսյան
Այս թեմայով
- Հենց հերթը ՍԴ դատավոր նշանակելուն է հասնում, հիշում ենք, որ էս երկրում Սահմանադրություն կա. Գոռ Հովհաննիսյան
- «Հետաքրքրաշարժ իրավագիտություն. ինչպես ճիշտ հասկանալ օրենքները. Կարճ ուղեցույց ոչ իրավաբանների համար». Գոռ Հովհաննիսյան
- ՍԴ-ն իրավասու է քննել իրեն վերաբերող հարցեր․ Գոռ Հովհաննիսյան
- Հայաստանը միանշանակ պարտվելու է Եվրոպական դատարանում. Գոռ Հովհաննիսյան
Սահմանադրագետ, նախկինում ՍԴ դատավորի թեկնածու Գոռ Հովհաննիսյանը Faceboo-ի իր էջում մի օրինակ է բերել Կայզերական Գերմանիայի Գերագույն դատարանի 1936 թվականին կայացված մի որոշումից:
Նա, մասնավորապես, նշել է.
«Սուրբ Վալենտինի օրվա առիթով մի փոքր մեջբերում Կայզերական Գերմանիայի Գերագույն դատարանի 1936 թ․ մի որոշումից․
«Ամուսինների պատիվը պահանջում է, որ նրանք ոչ միայն միմյանց հանդեպ պահպանեն հավատարմությունը, այլ նաեւ ընտանիքից դուրս խուսափեն այն ամենից, ինչը կարող է արդարացի կասկածներ հարուցել իրենց ամուսնական հավատարմության վերաբերյալ։ Այն կինը, ով անտեսում է դա, վնասում է ոչ միայն իր սեփական պատիվը, այլ նաեւ, որպես կանոն, իր ամուսնունը»։
Դատարանն այնուհետեւ շարունակում է․
«Ով դիպչում է ուրիշի կնոջ պատվին, անգամ եթե դա տեղի է ունենում կնոջ համաձայնությամբ եւ այդքանով չի առաջացնում քրեական պատասխանատվություն, վնասում է միաժամանակ նրա ամուսնու պատիվը։ Այս կարծիքն արմատացած է ընտանիքի մասին գերմանական պատկերացման մեջ։ Վիրավորանքը, որը կրում է համայնքի անդամը, դիպչում է միաժամանակ ամբողջ համայնքին։ Վիրավորանքից պաշտպանությունն ընտանիքի տղամարդ անդամների եւ հատկապես ամուսնու՝ իբրեւ ընտանիքի գլխի կոչումն է»։
Եվ վերջում․
«Ով սեթեւեթում է ամուսնացած կնոջը, ենթակա է քրեական պատասխանատվության նրա ամուսնուն վիրավորելու համար»։
Շնորհավորում եմ բոլորիդ Սուրբ Վալենտինի օրվա առթիվ»: