Վան Գոգի կյանքն իլյուստրացիաներով
Էքսպրեսիոնիզմի վառ ներկայացուցիչ, հոլանդացի նկարիչ Վինսենթ Վան Գոգի անունը լսելիս միանգամից մտաբերում ենք նրա «Աստղազարդ գիշերը», որը դարձել է այս նկարչի այցեքարտն ու յուրահատուկ արշխարհընկալման վառ ապացույցը: Վան Գոգն ու իր կտավները ոգեշնչում են. կարող ենք ասել բարձրաձայն ու վստահաբար, այդ ոգեշնչման արդյունքներից մեկն էլ իրանցի նկարիչ Ալիրեզա Մոգադդամի չքնաղ իլյուստրացիաներն են:
«Սկզբում ես տեսա Վինսենթի մի քանի կտավ, նրանք ինձ դուր եկան: Ավելի ուշ ես սկսեցի կարդալ նկարչի կյանքի պատմությունը և ուղղակի խոցվեցի դրա ողբերգականությամբ»:
Նկարիչն իր կյանքի մեծ մասն ապրել է Իրանում, դեռևս դեռահաս տարիներին տղան սիրահարվել է Վան Գոգի արվեստին.
«Վան Գոգն իմ ոգեշնչումն է: Նրա ոճն ու գույները ինձ համար բացահայտում դարձան»: