Hyundai-ն պատրաստվում է ամենաշատ էլեկտրամոբիլները վաճառել 2020 թվականին
Hyundai-ի ծրագրում ընթացիկ տարում Եվրոպայում առնվազն 80 000 Kona, Ioniq եւ ջրածնային Nexo էլեկտրամոբիլներ վաճառելն ու դրանով տարածաշրջանում ոլորտի առաջատարը դառնալն է, հայտնում է RG-ն։
Գլխավոր դերը շուկայի գրավման գործում տրվել է Kona քրոսովերին, որը 2018թ․ թողարկվելուց հետո դարձել է Hyundai-ի ամենահանրահայտ լիակատար էլեկտրամոբիլը՝ անցյալ տարի ամբողջ աշխարհում 47 476 այդպիսի մեքենա են գնել, հայտնում է Insideevs-ը։ Ի լրումն Կորեայից ներկրվող Kona-ի, էլեկտրական քրոսովերը ապրիլին կարտադրեն նաեւ Չեխիայում։
Լիարժեք էլեկտրական Hyundai Kona-ն հագեցած է առաջնային ընթացքով, այն առաջարկվում է 134 եւ 201 ձիաուժ շարժիչներով՝ ըստ ընտրության։ Ամբողջովին լիցքավորված առավելագույն 449 կմ տարածք անցնելու ունակությամբ այն ապահովում է գնի եւ առանց արտանետումների վազքի շուկայում ամենաշահավետ հարաբերակցությունը։