ՀՀ-ում որևէ մեկն ապահովագրված չէ ասֆալտին պառկեցվելուց և առանց պատճառի բերման ենթարկվելուց. Արսեն Բաբայանը՝ քաղակտիվիստներին բերման ենթարկելու մասին
ԱԺ աշխատակազմի ղեկավարի նախկին տեղակալ Արսեն Բաբայանը ֆեյսբուքյան իր էջում գրառում է կատարել՝ անդրադառնալով այսօր «Ադեկվադ» միաբանության անդամներին և «ՎԵՏՕ» հասարակական-քաղաքական շարժման ղեկավար Նարեկ Մալյանին բերման ենթարկելու միջադեպին: Նա մասնավորապես նշել է, որ իշխանությունն այսօր օրենքները յուրովի մեկնաբանելով բերման է ենթարկում իր քննադատներին: Գրառումն ամբողջությամբ՝ ստորև.
«Հայաստանի Հանրապետությունում այսօր որևէ մեկն ապահովագրված չէ ասֆալտին պառկեցվելուց և առանց պատճառի ոստիկանություն բերման ենթարկվելուց:
Իշխանությունն այսօր օրենքները յուրովի մեկնաբանելով բերման է ենթարկում իր քննադատներին:
Այսպիսով Հայաստանում փորձ է արվում ստեղծել վախի մթնոլորտ: Իշխանությունը չի հանդուրժում քննադատությունը:
Այս վիճակին պետք է վերջ տրվի:
Մեզ իրական հեղափոխություն է պետք...»: