Եթե ապացուցվի, որ ադրբեջանցի երգիչը հրաժարվել է հայ երգչուհու հետ ելույթ ունենալ ազգության պատճառով, ապա «Օպերան» կլուծարվի և նրա ղեկավարը կենթարկվի խիստ պատասխանատվության. Պատասխան
Եվրոպայի հայկական միությունների ֆորումի ղեկավար Աշոտ Գրիգորյանը ստացել է Semper Opera Ball օպերային պարահանդեսի գեղարվեստական ղեկավար Հանս Յոհախիմ Ֆրեյին ուղղված նամակի պատասխանը, որում նա անդրադարձել էր այս տարի Դրեզդենում հայ օպերային երգչուհի Ռուզան Մանթաշյանի մասնակցության հետ կապված սկանդալին:
«Եթե պրն․ Գրիգորյանին հաջողվի հաստատել, որ Ռուզաննա Մանթաշյանի և վերջինիս հետ աշխատող գործակալության ղեկավար Ռենե Մասսիսի հայտարարությունները համապատասխանում են իրականությանը, ապա անկասկած՝ Semper Opera Ball-ի գործակալությունը կլուծարվի և նրա ղեկավարը կենթարկվի խիստ պատասխանատվության, ինչին, անկասկած՝ հետամուտ կլինի ԵՀՄՖ-ն։»,- նշվում է Ֆորումի ֆեյսբուքյան մեկնաբանությունում:
ԵՀՄՖ-ն սոցիալական ցանցում հրապարակել է նաև Աշոտ Գրիգորյանի նամակին Հանս Յոհախիմ Ֆրեյի պատասխանը: