Այսօր՝ 29 մարտի 2024թ., 00:00
Տաջիկստանում 9 մարդ է ձերբակալվել Crocus City Hall-ի գործով Իլոն Մասկը բաժանորդագրվել է դեպրեսիան բուժել խոստացող օգտահաշվին Արտասահմանյան ընկերությունների վնասները ռուսական շուկայից հեռանալուց հետո գերազանցել են 107 միլիարդ դոլարը Քրեական հեղինակություն Շաքրո Մոլոդոյն ազատ է արձակվել Կրասնոդարի գաղութից Մոսկվայում բացահայտվել է ադրբեջանցու ձեռքով 23 տարի առաջ կատարված սպանությունը Միջազգային պահանջ է՝ սահմանի որոշման ցանկացած գործընթաց որևէ ուժ չունի, եթե մարդկանց բնականոն կյանքը խաթարվում է. Թաթոյան Հույսի նշան՝ կոտրված սերնդի համար. Ֆրանսիայի դեսպանը հանդիպել և շնորհավորել է արցախցի ուսանողուհուն ՌԴ-ի հետ կապերը խզելու դեպքում Հայաստանը կկորցնի արժեքը Եվրամիության աչքում. ռուս քաղաքագետ Առցանց անմաքս առևտրի շեմը ենթարկվել է փոփոխության. ապրիլի 1-ից կսահմանվի 200 եվրո և 31 կգ «Ավտովազ»-ը սկսել է Lada-ի արտադրությունն Ադրբեջանում Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Բաղմանյանի դեմ ցուցմունք տվողը մեկ միլիոն դոլար պարտք է բանկին Լավրով. Պուտինին զարմացրել է Ղարաբաղը Ադրբեջանի մաս ճանաչելու Փաշինյանի որոշումը Լևոն Քոչարյանի անունից կեղծ հայտարարություններ են տարածվում Բաղանիսցիները զայրացած են. «Հայաստան» խմբակցության պատգամավորներն այցելել են Տավուշ Լավրով. ԵՄ առաքելությունը Հայաստանում վերածվում է ՆԱՏՕ-ի առաքելության Արցախի հանձնումը միայն սկիզբ էր. ՀՅԴ Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները Վիճաբանություն և ծեծկռտուք Երևանում.վիճաբանության մասնակիցների մեծ մասը անչափահասներ են․ կա վիրավոր Հայաստանի ղեկավարությունը միտումնավոր փորձում է փչացնել հարաբերությունները Ռուսաստանի հետ. Լավրով Եվրոպական արժեքները կրելով հանդերձ չպետք է Ռուսաստանին թշնամի դարձնենք, իսկ Իրանն էլ մեր հզոր հարեւանն է․ Արամ Մանուկյան Նյարդաբանները ուղեղում մի մեխանիզմ են հայտնաբերել, որը վերահսկում է երաժշտության տակ պարելու ցանկությունը ԱՄՆ առաջին տիկինը երեխաների համար գիրք է գրել իր կատվի մասին Եվրոպայում 11-ից 15 տարեկան գրեթե յուրաքանչյուր վեցերորդ երեխան կիբերհարձակման է ենթարկվում ԱՄՆ-ն 2024 թ. 228 մլն դոլար է հատկացրել Բալթյան երկրներին պաշտպանության համար Ուկրաինան առաջնագծում այժմ լճացման վիճակում է և բացառապես պաշտպանվում է. Զելենսկու գրասենյակ Չեմ բացառում, որ այսօր հնչած հայտարարություններից հետո Արցախի պետական և քաղաքական գործիչների նկատմամբ կսկսվի հետապնդումների նոր ալիք. Սաղաթելյան Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե Կոռուպցիան այսօր իր սարդոստայնով տարածված է ամեն տեղ Երևանում թալանել են հայտնի «Զիգզագ» խանութը. հափշտակել են 5 մլն 500 հազար դրամի բջջային հեռախոս Crocus City Hall-ում ահաբեկչություն իրականացնողները եղել են թմրամիջոցների կամ հոգեմետ նյութերի ազդեցության տակ Հայաստանն աշխարհի աչքի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա ԼՂՀ-ն «լուծարելու» փաստաթուղթն անօրինական էր, բայց դա հայրենակիցներին փրկելու միակ միջոցն էր․ Շահրամանյան Մանիպուլյացիա․ Կառավարությունը հարկատուների գումարները տվեց «Վեոլիա Ջուր»-ին, որ հարկատուների համար ջուրը չթանկանա Մեծ Պահք. Ավագ հինգշաբթի. Արարիչը ստեղծեց ձկներին ու թռչուններին ՀՀ-ն 300 հազար դոլարի օգնություն կտրամադրի Ճապոնիային երկրաշարժից տուժածների հումանիտար կարիքների բավարարման համար Հայկ Մարությանը կուսակցություն է հիմնում Արցախը երբևէ Հայաստանի համար վտանգ չի եղել, դա մանիպուլյացիա է իշխանությունը պահելու համար. Արցախի ԱԺ պատգամավորը՝ Փաշինյանի հայտարարության մասին Ցելոֆանե տոպրակները չհանվեցին, այլ թանկացան. Նիկոլ Փաշինյանը խաբել է. մաս 190 ՔՊ-ականներն այլեւս առաջվանը չեն. նրանց սիրտը վախ է ընկել 92 մլն եվրո․ կառավարությունը դարձյալ վարկ է վերցնում Որքան են վճարել Հրաչուհի Ութմազյանին ու Համլետ Առաքելյանին՝ «Օսկար» մրցանակաբաշխությունը մեկնաբանելու համար Տավուշի հարցով իշխանությունը պահեստային տարբերակներ է նախատեսել Կոռուպցիայի կանխարգելման հանձնաժողովում քաոս է ՔԿ-ն մտել է դատարան և Մանվել Գրիգորյանի դատավոր դստերը օգնականի վերաբերյալ հարցեր է տվել Սեփական կամքով որոշել է հանձնել Տավուշի բնակավայրերը ՆԳ նախարարը քաղաքական լուրջ վրիպում է թույլ տվել Գուրգեն Արսենյանը ՔՊ-ից նեղացած է 15-օրյա ժամկետում տուգանքը վճարելու դեպքում կկիրառվի 30 տոկոսի նվազեցում. ՆԳՆ Զույգերը, որոնք միասին ալկոհոլ են խմում, ավելի երկար են ապրում միասին Ցուցարարները գոմաղբ են թափել ամերիկացի պաշտոնյաների տների մոտ Պեսկովը պատմել է «Крокус»-ում տեղի ունեցած ահաբեկչությունից հետո Պուտինի անցկացրած անքուն գիշերվա մասին «Լյուկի կափարիչ» փոխելը՝ լուրի թեմա․ Քաղաքացիները ծաղրում են թաղապետարանին Արթուր Աբրահամ․ Պապա ջան, ես քեզ միշտ կկարոտեմ, կհանդիպենք մյուս կյանքում Պատվավոր հյուպատոսների տրանսպորտային միջոցներին հատկացվելու են «H» տառը պարունակող կարմիր հիմնագույնի համարանիշեր Օրվա խորհուրդ Փաշինյանը զարմացել է, որ ժողովուրդն այսքան տարի իրենց հանդուրժում է. «Հրապարակ» Սրանք անցան պլան Բ-ին. Գառնիկ Դանիելյան ՀՀ-ԵՄ-ԱՄՆ հանդիպումը որևէ երրորդ կողմի դեմ ուղղված չէ և չէր էլ կարող լինել. ՀՀ ԱԳՆ-ն՝ Ադրբեջանի հայտարարություններին «Ամիօ բանկ»-ը վերաբրենդավորումից հետո լծվել է ֆիզիկական և իրավաբանական անձանց հարկադիր սնանկացման գործընթացին Օրենքի խախտմամբ աշխատանքից ազատվածներին նախարարությունները 436 մլն դրամ հարկադիր պարապուրդի գումար են վճարել Վարդենյաց լեռնանցքը փակ է կցորդիչով բեռնատարների համար, դժվարանցանելի՝ մյուս տեսակի տրանսպորտային միջոցների Ոսկերչության ոլորտի կասկածելի աճը շարունակում է «բարձր տնտեսական աճ» ապահովել Զախարովան՝ Ուկրաինային ադրբեջանական զենք մատակարարելու մասին՝ նման տեղեկությունները մանրակրկիտ ստուգվում են Իշխանությունների՝ ամեն ինչ օպտիմալացնելու ու կրճատելու սեւեռումը հասել է Դիլիջան Տարածքներ զիջելը դե ֆակտո տարածքային փոփոխությունների է հանգեցնում․ Գևորգ Դանիելյան Մահացել է Արարատ Զուրաբյանի դուստրը Ինչու չի կազմակերպվել Վրաստանի վարչապետի հանդիպումը Կաթողիկոսի հետ Նախկին ԱԱԾ-ականները՝ Զվարթնոցից ռուս սահմանապահներին հանելու մասին «Ճակատագրական չաթը». ինչո՞ւ են հրաժարական տվել 4 դատավորները Թալիբները նախատեսում են քարկոծելով մահապատժի ենթարկել կանանց դավաճանության համար Հետազոտողները վերծանել են ացտեկների տեքստերը, որոնք պատմում են մայրաքաղաքի հիմնադրման և իսպանացիների ներխուժման մասին Գիտնականները արհեստական բանականության կիրառմամբ բարելավել են գարեջրի համը Իտալական լճում «առաջադեմ տեխնոլոգիաներով» կառուցված հնագույն նավակներ են հայտնաբերվել Մենք «Զանգեզուրի միջանցք» տերմինը չենք օգտագործում, այլ` երթուղի, որը Ադրբեջանի արևմտյան շրջանները ՀՀ-ի Սյունիքի մարզով կապում է Նախիջևանի հետ․ Զախարովա Թիվ 130 դպրոցի՝ յուրացումների մեջ մեղադրվող տնօրենն ազատվեց աշխատանքից 29-ամյա երիտասարդը կալանավորվել է դանակով համաքաղաքացու սպանության փորձի և վերջինիս փեսային մարմնական վնասվածքներ հասցնելու մեղադրանքով Փնտրելու կարիք չկա, այդ մարդիկ Տավուշում սպասում են ձեզ. Գառնիկ Դանիելյանը՝ Ալեն Սիմոնյանին 153 մլն ռուբլի. ՌԴ-ում բանկի փոխնախագահին թալանել են սեփական բանկում Ոստիկանության պաշտոնատար անձ կաշառք է ստացել ապօրինի հատված փայտանյութի տեղափոխման դիմաց
Հարցում

Կարևոր վկան պետք է չեզոքացվի. գեներալ Մանվել Գրիգորյանի առեղծվածը

Կարևոր վկան պետք է չեզոքացվի. գեներալ Մանվել Գրիգորյանի առեղծվածը
«Ման-վե՜լ», «Ման-վե՜լ», «Ման-վե՜լ». շատերն են հիշում այս վանկարկումները 2008 թ. փետրվարի այն թեժ օրերին, երբ «Հայ ազգային կոնգրես» դաշինքը, ՀՀ նախկին նախագահ Լևոն Տեր-Պետրոսյանի գլխավորությամբ, վիճարկելով փետրվարի 19-ին տեղի ունեցած նախագահական ընտրությունների պաշտոնական արդյունքները, բազմահազարանոց հանրահավաքներ էր իրականացնում Երևանի Ազատության հրապարակում։ Ի՞նչ էր դա նշանակում, ո՞ր Մանվելի մասին էր խոսքը, ի՞նչ, որչա՞փ կամ որտեղի՞ց գիտեին հանրահավաքի մասնակիցներն այդ մասին՝ կարծես այդքան էլ էական չէր, էականն այն էր, որ «Մանվելը» միանում էր հանրահավաքին, ընդդիմությանը, Տեր-Պետրոսյանի գլխավորած շարժմանը։ Միանում էր, բայց չմիացավ։ Այն ժամանակ՝ այսքանը միայն։

2018 թ. իշխանափոխությունից հետո ՀՀ երկրորդ նախագահ Ռոբերտ Քոչարյանը կանգնեց դատարանի առաջ, և նրան մեղադրեցին 2008 թ. նույն շրջանում տեղի ունեցած իրադարձությունների ժամանակ հակասահմանադրական գործունեության մեջ։ Չխորանալով քրեական գործի մանրամասների մեջ և ընդհանրացված կերպով ներկայացնելով մեղադրանքը՝ Քոչարյանը կասկածվում է 2008 թ. փետրվարի 23-ին, այսինքն՝ մինչև մարտի 1-ին արտակարգ դրության հայտարարելը, հատուկ գաղտնի հրամանով («0038») ռազմական խմբավորումներ ստեղծելու և պետության զինված ուժերը ներքին հարցերի կարգավորման մեջ ներքաշելու համար։ Հիշեցնենք՝ 2008թ. փետրվարի 22-ին Քոչարյանը վերադարձել էր Ռուսաստանից, որտեղ եղել էր աշխատանքային այցով և, հասկանալով իրերի դրությունը, փետրվարի 23-ին, զինվորական բարձրագույն ղեկավարության մասնակցությամբ, խորհրդակցություն էր կազմակերպել նախագահական նստավայրում։ Այդ հանդիպումն այսօր դարձել է դատաիրավական մարմիններում քննարկվող խնդիր։

Թե ի՞նչ է կատարվել փետրվարի 23-ին և դրանից հետո՝ մինչև մարտի 1-ի վճռորոշ օրը, հասարակական լայն քննարկումների բովում որոշակիորեն հանրայնացվել է։ Եվ չնայած ակնհայտ կողմնակալ քարոզչական թեզերին, այդուհանդերձ, հասարակական լայն շրջանակները ամենօրյա դատավարական գործընթացների, լրատվամիջոցներում հայտնված հրապարակումների, կողմերի ելույթների և այլնի միջոցով որոշակիորեն իրազեկված են։

Ի՞նչ իրադրություն էր հանրապետությունում ընտրության օրվան՝ փետրվարի 19-ին հաջորդող օրվանից մինչև Քոչարյանի վերադարձը և փետրվարի 23-ին նախագահի նստավայրում տեղի ունեցած նշյալ խորհրդակցության օրը։ Այս թեման առաջին հայացքից, կարծես, ևս քննարկվել է, սակայն ներկայումս և՛ իշխանական քարոզչամեքենան, և՛ դատաիրավական շրջանակները՝ իրենց բոլոր միջոցներով և մեթոդներով, ամեն կերպ շրջանցում են մի հույժ կարևոր պարագա՝ Մանվել Գրիգորյանի և նրան հարող զինվորական շրջանակների պահվածքն ու գործողություններն այդ վճռորոշ եռօրյա շրջանում։

«Ման-վե՜լ»-ի «մուտքը» իրադարձությունների շրջանակ

Հանրահավաքի մասնակիցների շրջանակներում «Մանվել» արտահայտությունը, որպես սկիզբ առած պայքարին մոտալուտ հաղթանակ բերող խորհրդանիշ, որպես իշխանության փլուզման, որպես իշխանության մեջ 5-րդ շարասյան ձևավորման ցնծալի լուր, սկսեց շրջանառվել ընտրությանը հաջորդող օրը՝ փետրվարի 20-ին։ Այդ օրը Լևոն Տեր-Պետրոսյանը հայտարարեց, որ ինքը յուրօրինակ անակնկալ ունի և շատ շուտով կհայտարարի կարևոր մի բան։ Եվ դա չուշացավ. հենց հաջորդ օրը նա հայտարարեց, որ հանդիպել է պաշտպանության փոխնախարարների հետ, որոնք համաձայնել են միանալ ցուցարարներին։ Հիշեցնենք՝ Մանվել Գրիգորյանն այդ ժամանակ և՛ պաշտպանության նախարարի տեղակալն էր՝ գեներալ-լեյտենանտի կոչումով, և՛ «Երկրապահ» կամավորականների միության վարչության նախագահը։ Այդ պահից սկսյալ՝ ցուցարարները «Լե-վո՜ն»-ի փոխարեն կամ միաժամանակ սկսեցին վանկարկել նաև «Ման-վե՜լ»։

Պաշտպանության նախարարի մյուս տեղակալը, որի հետ հանդիպման մասին հայտարարեց Տեր-Պետրոսյանը, գեներալ-լեյտենանտ Գագիկ Մելքոնյանն էր, որին մարտյան իրադարձություններից կարճ ժամանակ անց՝ 2008 թ. ապրիլի 23-ին, նախագահ Սերժ Սարգսյանն ազատեց աշխատանքից:

Զինվորականները՝ մեծ քաղաքականության մե՞ջ

Ի՞նչ էր նշանակում այս ամենը: Նախ և առաջ փաստենք՝ ԵԿՄ-ում և դրա շուրջը համախմբված էին ոչ միայն բանակում ծառայող բազմաթիվ բարձրաստիճան սպաներ, այլ նաև հարյուրավոր պահեստազորայիններ ու ռազմական շրջանակների այլևայլ ներկայացուցիչներ։ Այսինքն՝ ԵԿՄ-ն՝ եթե ոչ ամբողջովին, ապա գոնե դրան մոտ աստիճանի ռազմականացված մի կառույց էր, և դրանով, Մանվել Գրիգորյանի հետ, ցուցարարների կողմն էին անցնում և՛ բանակի գործող ու պաշտոնաթող սպաներ, և՛ ռազմականացված կառույցի՝ ԵԿՄ-ի ղեկավար կազմն ու դրան հարող շրջանակները։

Զինված հեղաշրջման փորձի ձախողումը

Իրազեկ անձանց հավաստի տեղեկություններով՝ այդ օրերին ԵԿՄ-ի շենքում եղել են շուրջ 500 զինված անձինք, որոնց, ըստ նույն տեղեկությունների, տրամադրվել է ֆրանսիական արտադրության զինվորական համազգեստ, և այդ 500-յակը, կազմ ու պատրաստ, սպասել է հրահանգի, որպեսզի գրոհի կառավարական շենքերն ու նախագահի նստավայրը։ Երևի թե շատերը մոռացել են, բայց այդ օրերի ականատեսները լավ են հիշում՝ այդ օրերին կառավարական շենքերում բացակայում էին ոստիկանները. նրանք, հավանաբար, փախել էին, իսկ նրանց փոխարեն պետական բարձրագույն այդ հիմնարկների միջանցքներում երևում էին հայտնի օլիգարխներն ու նրանց շրջապատը։

Զինված հեղաշրջման փորձն ունեցել է կարճատև, այդուհանդերձ, բավականին ակտիվ նախապատրաստական փուլ. Լևոն Տեր-Պետրոսյան – Մանվել Գրիգորյան ակտիվ բանակցությունները կարճ ժամանակում տվել են ցանկալի արդյունք, և զինվորական շրջանակներում առանցքային դերակատարություն ու հեղինակություն ունեցող գեներալը, ըստ այդ օրերին շրջանառվող տեղեկությունների, համաձայնել էր արշավել կառավարական մասնաշենքերի վրա, համաձայնել էր խորտակել իշխանական նստավայրերի դռները՝ թույլ տալով գազազած ամբոխի մուտքն այդ շենքեր, և իշխանափոխությունը կամ, տվյալ պարագայում, իշխանության՝ զենքի ուժով բռնազավթումը կդառնար կայացած իրողություն։

Ամենևին չի բացառվում, որ տերպետրոսյանական-փաշինյանական զանգվածային ելույթները և տասնյակհազարավոր մարդկանց հրավիրելը Ազատության հրապարակ ոչ թե ընտրությունների վիճարկման արդյունք էր, այլ Լևոն Տեր-Պետրոսյան-Մանվել Գրիգորյան (և վերջինիս հարող զինվորական լայն շրջանակեր) ակտիվ բանակցության, այն է՝ զինված հեղաշրջման նախապատրաստման հետևանք։ Այսինքն՝ տեղի էր ունեցել մի գաղտնի կամ կիսագաղտնի բանակցային գործընթաց, որի ամփոփիչ կամ ավարտական փուլը հանդիսանալու էր, փետրվարի 19-ից սկսյալ, հետընտրական հանրահավաքների և զանգվածային գործողությունների (այդ թվում՝ զինված) շրջանը։

Մանվել Գրիգորյանը մոտեցավ աղբյուրին, բայց ջուր չխմեց

Ինչո՞վ ավարտվեց Լևոն Տեր-Պետրոսյան-Մանվել Գրիգորյան բանակցություններով նախատեսված գործողությունների շարքը։ Փետրվարի 22-ի ուշ երեկոյան, կրճատելով իր այցի ժամկետները, Մոսկվայից Երևան է վերադառնում նախագահ Քոչարյանը։ Հաջորդ օրն առավոտյան նախագահական իր նստավայրում նա կարճատև, բայց վճռորոշ, այսօրվա դատավարական գործընթացների բովանդակությունից ելնելով՝ իր համար ճակատագրական հանդիպում է ունենում բանակի բարձրագույն հրամանատարական կազմի հետ։ Հանդիպման ժամանակ, ըստ հրապարակային և ոչ հրապարակային տեղեկությունների, Քոչարյանը խոսել է կարճ և պահանջել ԵԿՄ-ին հարող զինվորականներից՝ կա՛մ լքել այդ կառույցը և զբաղվել զինվորականի՝ իրենց աշխատանքով, կա՛մ հեռանալ բանակից։ Ըստ չհրապարակված տեղեկությունների՝ նախագահը ծայրահեղ սուր կերպով է արտահայտվել Մանվել Գրիգորյանի հասցեին և տվյալ հանդիպմանը ներկա չգտնվող գեներալից (Մանվել Գրիգորյանը պատճառաբանել է, թե գտնվում է արձակուրդում) պահանջել մինչև երեկո ազատել ԵԿՄ-ի շենքը զինված մարդկանցից, իսկ նրանց շրջանում հավաքույթներն ու քաղաքական քննարկումներն անհապաղ դադարեցնել։ Ըստ որոշ տեղեկությունների՝ Քոչարյանը սպառնացել է հակառակ պարագայում ռազմական ուղղաթիռներով մոխրակույտի վերածել շենքը՝ մարդկանցով հանդերձ։

Քոչարյա՞ն, թե՞ Տեր-Պետրոսյան. Մանվել Գրիգորյանը՝ ճակատագրական ընտրության առաջ

ԵԿՄ-ում հավաքված կամ, այս պարագայում ճիշտ կլինի ասել, հավաքագրված զինվորականները փետրվարի 23-ին ենթարկվում են Ռոբերտ Քոչարյանի հրամանին և արագորեն լքում են ԵԿՄ-ի շենքը։ Մի քանի օր անց՝ փետրվարի 25-ին, հատուկ հայտարարության մեջ նշելով, որ, ԵԿՄ-ի որոշ անդամներ, խախտելով ԵԿՄ-ի կանոնադրությունը, առանց վարչության համապատասխան որոշման, սկսել են զբաղվել երկրապահին ոչ վայել գործունեությամբ, Երկրապահի մի շարք անդամներ դուրս են գալիս ԵԿՄ կազմից։ Նշյալ հայտարարությունը ստորագրել էին` գեներալ-գնդապետ Սեյրան Օհանյանը, գեներալ-մայոր Արշալույս Փայտյանը, գեներալ-մայոր Հայկազ Բաղմանյանը, գեներալ-մայոր Լևոն Երանոսյանը, գեներալ-մայոր Կամո Աղաջանյանը, գեներալ-մայոր Սամվել Կարապետյանը, գնդապետ Կորյուն Եղիազարյանը, գնդապետ Մուրադ Աբրահամյանը, գնդապետ Ֆելիքս Պողոսյանը, գնդապետ Արթուր Գրիգորյանը, գնդապետ Պողոս Պողոսյանը, գնդապետ Սամվել Հովսեփյանը, գնդապետ Սայեն Հայրապետյանը, գնդապետ Ներսես Եղոյանը:

Նույն օրը Ազատության հրապարակում ելույթ է ունենում ԵԿՄ փոխնախագահ, ԱԺ պատգամավոր Մյասնիկ Մալխասյանը և հայտարարում, որ երկրապահների գրեթե 98 տոկոսը ցուցարարների հետ է, նաև՝ հավելում, որ միության որոշ անդամներ դուրս են եկել միությունից, բայց ոգով երկրապահների հետ են:

Ինչպես տեսանք, Մանվել Գրիգորյանը չէր ստորագրել հայտարարությունը և մնացել էր ԵԿՄ կազմում։ Ըստ պաշտոնական հաղորդագրության՝ նա այդ օրերին ներկայանում էր ՊՆ՝ աշխատանքի։ Նրա՝ ԵԿՄ-ում մնալը կարելի է բացատրել Քոչարյանի կողմից նրա վրա այդ օրերին սահմանված հատուկ հսկողությամբ, և այդ քայլով նախագահը ցանկացել է արդեն վերահսկվող գեներալի միջոցով վերահսկել նաև ԵԿՄ-ի՝ դեռևս ծայրահեղ և Տեր-Պետրոսյանի ազդեցության տակ գտնվող թևին ու դրան հարող համակիր շրջանակներին: Դա ապացուցվեց հետագայում, երբ այդ ամենի արդյունքում Մանվել Գրիգորյանը չձերբակալվեց, ավելին՝ հետագայում ևս շարունակեց գլխավորել ԵԿՄ-ն:

Չնայած առանձին ԵԿՄ-ականների՝ ցուցարարներին կամ, ինչպես իրենք էին հայտարարում, ժողովրդին միանալու փաստերին, այդուհանդերձ, գլխավոր վտանգը, այն է՝ զինված 500-յակին վերապահված գործողությունը, փաստորեն, չեզոքացված էր։ Իսկ ո՞վ չեզոքացրեց այն. Քոչարյա՞նը, որը կտրուկ պահանջ էր դրել ԵԿՄ-ի և Մանվել Գրիգորյանին հարող զինվորականության առջև, ԵԿՄ-ի մեջ գտնվող զինվորականությո՞ւնը, որը դատապարտեց Մանվել Գրիգորյանի կողմնակիցների անխոհեմ քայլերը և մի քանի օր անց դուրս եկավ կազմակերպությունից, թե՞ հենց ինքը՝ Մանվել Գրիգորյանը, որը ճանապարհի կեսից հետ կանգնեց կամ, պատկերավոր ասած, մոտեցավ աղբյուրին, բայց ջուր չխմեց…

Հատկանշական է, որ այդ օրերին Մանվել Գրիգորյանին են զանգահարել կամ անձամբ հանդիպել նաև ՀՀ որոշ քաղաքական-կուսակցական շրջանակների կարկառուն ներկայացուցիչներ, որոնք ևս հորդորել են գեներալին՝ հետ կանգնել այդ մտքից, և, կարծում ենք՝ վերոնշյալ բոլոր հանգամանքները միաժամանակ դեր խաղացին, որ տեղի չունենար պետության դեմ զինված գործողությունների իրականացումը:

Զինված ջոկատներ էին ձևավորել հայտնի ԵԿՄ-ականներ

Եզրակացնենք՝ ոչ թե Մանվել Գրիգորյանն էր իրեն հարող բարձրագույն զինվորականության և ԵԿՄ-ական շրջանակների հետ մեկտեղ միանում Լևոն Տեր-Պետրոսյանին, այլ ինքը՝ Տեր-Պետրոսյանը, պետության դեմ էր հանել բանակի գործող փոխնախարարներին, սպաներին, ռազմականացված կառույց հանդիսացող ԵԿՄ-ին: Ըստ այդ օրերին շրջանառվող տեղեկությունների՝ զինված ջոկատներ են ունեցել հայտնի ԵԿՄ-ականներ՝ տվյալ շրջանում ՀՀ ԱԺ պատգամավորներ Սասուն Միքայելյանը, Հակոբ Հակոբյանը («Լեդի» մականունով), Մյասնիկ Մալխասյանը, Թալինի «Սասունցիներ» ջոկատի հրամանատար, հայտնի ԵԿՄ-ական, ԲՆ Ջրային ռեսուրսների կառավարման գործակալության հիմնադիր և երկարամյա ղեկավար Աֆոն (Ալֆրեդ Ներսիսյան, մահացել է 2015 թ.):

Վարկածներ կան, որ նաև այդ ջոկատները կամ այն, ինչ մնացել էր դրանցից Քոչարյանի կողմից ԵԿՄ-ի հետ տարված «հատուկ աշխատանքներից» հետո, ակտիվ մասնակցություն են ունեցել մարտի 1-ի զինված բախումներին և դարձել զոհերի պատճառ (հանուն արդարության՝ փաստենք, որ, օրինակ, Աֆոն (Ա. Ներսիսյան) հետ է կանգնել իր որոշումից և չի մասնակցել հետագա գործողություններին): Վերոնշյալն ավելի հիմնավոր է դառնում, եթե ուսումնասիրում ենք մարտի 1-ի զոհերի մահվան հանգամանքները և տեղորոշման վայրերը: Բայց, ինչպես նշեցինք սկզբում, այդ հետագան ածանցվում է այստեղ քննարկվող խնդրին:

Նրանցից շատերը մարտի 1-ի բախումներից հետո պետական իշխանության յուրացման, զանգվածային անկարգություններ կազմակերպելու, ապօրինի զենք կրելու և այլ մեղադրանքներով ձերբակալվեցին, նրանց պատգամավորական լիազորությունները դադարեցվեցին 15.09.2009 թվականին, իսկ ազատ արձակվեցին հետագայում: Մեղադրանքներում, այդուհանդերձ, բացակայում են զինված ջոկատների առկայության փաստերը, ըստ երևույթին՝ այն պատճառով, որ իրավապահ մարմինները չհիմնավորեցին այդ ամենը: Ի դեպ, տվյալ հանգամանքը կարելի է բացատրել նաև Սերժ Սարգսյանի հակվածությամբ՝ հետագայում որքան կարելի է մեղմ ձևով հանգուցալուծել այս թնջուկը: Որպես ասվածի ապացույց՝ հիշենք նաև, որ աղմկոտ դատավարություններից և ծանրակշիռ մեղադրանքներից հետո, ի վերջո, դատապարտվածներից որևէ մեկը երկար տարիներ չանցկացրեց բանտում:

Այսօրվա իշխանությունը զինված հեղաշրջման կազմակերպման մեջ «գործող անձ» էր

Անցենք ամենագլխավորին. թե ով էր այդ օրերին ներկայիս ՀՀ վարչապետը, հայտնի է բոլորիս. նա Լևոն Տեր-Պետրոսյանի աջ ձեռքն էր, բեմահարթակում մշտապես նրա կողքին էր, հաճախակի ելույթներ էր ունենում և այլն: Այս ամենը, պատկերավոր ասած, այսբերգի երևացող մասն է: Միանշանակ կյանքի իրավունք ունի այն կարծիքը, որ այդ օրերի իրադարձություններում առանցքային դերակատարում ունեցած Փաշինյանը չի հանդիսացել սոսկ իրադարձությունների մասնակից, բնականաբար, Տեր-Պետրոսյանի կողմից նրան են վերապահվել նաև այդ նույն զարգացումների մեջ կազմակերպչական գործառույթներ: Ավելին, դատելով վերջին շրջանում հրապարակված հեռախոսազրույցներից, այդ գործառույթներին մասնակցել են նաև ոչ անհայտ Ալեքսանդր Արզումանյանը և այլք: Դա ենթադրում է ակտիվ մասնակցություն հանրահավաքների նախագծման, ընդդիմադիր զանգվածների կառավարման, իրավիճակի գնահատման և այլ աշխատանքների: Բայց այդքանով, բնականաբար, չէին կարող սահմանափակվել Փաշինյանի, Արզումանյանի և այլոց գործառույթները: Ամենևին չի բացառվում, որ նրանք մասնակցել են նաև բանակցային գործողություններին, այն բանակցություններին, որոնք վարում էր Տեր-Պետրոսյանը զինվորականների, ԵԿՄ-ի և, ի դեմս փոխնախարարների, ՊՆ-ի բարձրագույն ղեկավարության հետ: Չի բացառվում նաև, որ զինվորականների՝ փաստացի և իրավական առումով պարագլուխ Մանվել Գրիգորյանի հետ բանակցությունները վարել է հենց նրանցից որևէ մեկը:

Բնականաբար, իրավաբանական տարրական գիտելիքները բավարար են՝ հաստատելու համար, որ որևէ խմբի կողմից իրականացվող գործողությունների համար նույնչափ պատասխանատու են ոչ միայն բուն իրականացնողները, այլ նաև խմբավորման մեջ այլ գործառույթներ ունեցող անձինք: Հետևաբար, Տեր-Պետրոսյանի՝ նշյալ շրջանի գործողությունների համար պատասխանատվություն կրող անձանց շրջանակը այս իմաստով կարող է բավականին ընդլայնվել:

Ինչո՞ւ է մեկուսացվել Մանվել Գրիգորյանը և դանդաղորեն սպանվում է մեկուսարանում

Գեներալին վերագրվող մեղադրանքների տեսակը, առողջական նման ծանրագույն վիճակի պայմաններում նման կերպ մեկուսացումը և պայմանական ազատ չարձակելը խիստ կասկածելի են: Հիշեցնենք՝ նոր իշխանությունները պայմանական ազատ են արձակել մի շարք անձանց, որոնց առաջադրվել են ոչ միայն նմանատիպ, այլև ավելի ծանր մեղադրանքներ:

Գեներալը սպանվում է երկու հիմնական պատճառներով՝

Նա մահանում է՝ իր հետ անհետացնելով կամ «փրկելով» նաև այն մարդու կամ մարդկանց անունները, որոնք բանակցել են իր հետ՝ պետության դեմ զինված հեղաշրջում իրականացնելու համար: Բնականաբար, այդ անունները հայտնի են բոլորին, հատկապես՝ ուժային մարմիններին, բայց այստեղ ամենակարևորն այն է, որ այդ անունները չպետք է հնչեն անձամբ իր՝ Մանվել Գրիգորյանի շուրթերից։ Հենց այս պատճառով էլ կարևոր վկան պետք է մահանա։ Սա է հարցերի հարցը:
Տեր-Պետրոսյանը ասպարեզ եկավ 2008 թվականին՝ մաքրելու իր վրայից «Արցախի և ՀՀ-ի հանդեպ դավադիր քայլեր իրականացրածի» խարանը: Նա եկավ ամեն գնով, այդ թվում՝ արյան, պատմության միջից մաքրելու սև հետքերը և սերունդներին փոխանցելու իր կենսագրականը՝ ժողովրդի արյամբ լվացված, հղկված ու սպիտակեցված տեսքով:
Նշյալ բաղձալի ճանապարհին Տեր-Պետրոսյանին մեծապես խանգարեց նույն ինքը՝ Մանվել Գրիգորյանը:

Նշեցինք արդեն, որ Մանվել Գրիգորյանը հետ կանգնեց իր մտադրություններից կամ, ավելի ճիշտ կլինի ասել՝ չկատարեց Տեր-Պետրոսյանի հետ ունեցած փոխպայմանավորվածությունը: Այդպիսով՝ գեներալը «թռավ Տեր-Պետրոսյանի գլխից», ինչի համար «շեֆը» կամ «շեֆերը» երբեք չեն ներելու նրան:

Եվ գեներալին բանտում սպանում է նրանց վրեժխնդրությունը:

yerkir.am

Հետևեք մեզ Telegram-ում
website by Sargssyan