Անտարկտիկա կենդանիների եւ բույսերի նոր տեսակների ներխուժում են կանխատեսել
Ցածր խոտերը, տզրուկները եւ հոդվածոտանիները, ինչպես նաեւ ծովային մանր կենդանիների որոշ տեսակներ առաջիկա տարիներին եւ տասնամյակներում կարող են հիմնավորվել Անտարկտիկայի ամենահյուսիսային տարածքներում։ Այս մասին գրում է Բրիտանական անտարկտիկական գործակալության մամուլի ծառայությունը՝ հղում կատարելով Global Change Biology-ի հոդվածին։
«Անտարկտիկական թերակղզու կլիման, ամենայն հավանականությամբ, նույնքան ցրտաշունչ կլինի այն բանի համար, որ այնտեղ կրծողներ հայտնվեն։ Մյուս կողմից, առնետներն ու մկները կկարողանան գոյատեւել, եթե ապրեն հետազոտական կայանների մոտակայքում։ Բեւեռախույզները ստիպված կլինեն հետեւել կրծողների կենսագործունեության թափոնների հայտնվելուն»,- պարզաբանել է Մեծ Բրիտանիայի էկոլոգիայի եւ հիդրոլոգիայի կենտրոնի պրոֆեսոր, հետազոտության համահեղինակներից Հելեն Ռոյը։
Կլիմայի մասնագետները այժմ չեն կասկածում, որ գլոբալ տաքացումը գոյություն ունի եւ որ այն արմատապես կփոխի երկրագնդի դեմքը, եթե ջերմաստիճանի աճը չհաջողվի պահել 1,5 °C ցուցանիշի վրա։ Այս մասին խոսում են ոչ միայն երկրագնդի կլիմայի հարյուրավոր համակարգչային մոդելները, այլեւ տարատեսակ կլիմայական արբանյակների, ցամաքային օդերեւութաբանական եւ օվկիանոսային կայանների տվյալները, հայտնում է ՏԱՍՍ-ը։
Այս գործընթացի առաջին եւ գլխավոր զոհերը կդառնան Երկրի բեւեռային տարածաշրջանները եւ լեռնային սառույցները։ Դրանց տարածքում ջերմաստիճանն արդեն այժմ 4-9 °С-ով բարձրացել է՝ համեմատած նախորդ հարյուրամյակների հետ։ Սա արդեն անդառնալիորեն կհանգեցնի այդ տարածքների նկատելի կրճատմանը: