Սաուդյան Արաբիան եւ ԱՄԷ–ը 100 միլիոն դոլարի չափով աջակցում են Իվանկա Թրամփի՝ գործարար կանանց աջակցող հիմնադրամին
Սաուդյան Արաբիան եւ Արաբական Միացյալ Էմիրությունները 100 միլիոն դոլար կհատկացնեն ԱՄՆ նախագահի առաջին դստեր՝ Իվանկա Թրամփի՝ ձեռներեց կանանց եւ փոքր բիզնես ղեկավարող կանանց հիմնադրամին,– հաղորդում է «The Washington Post»-ը։
Իվանկա Թրամփի խոսքերով՝ իր դերը՝ ԱՄՆ–ում եւ այլ երկրներում կանանց հնարավորությունների ընդլայնմանն աջակցելն է։
Նշվում է, որ այս պահին ձեւավորվող հիմնադրամը Մերձավոր Արեւելքի կանանց համար ավելի հասանելի է դարձնելու ֆինանսական աջակցությունն ու տնտեսական շուկաները։
Ավելի վաղ հաղորդվել էր, որ ԱՄՆ նախագահի դուստր Իվանկա Թրամփն ու իր ամուսինը՝ Դեվիդ Քուշները, ռաբիից անձնական թույլտվություն էին ստացել խախտել Շաբաթը եւ, Դոնալդ Թրամփի՝ Սաուդյան Արաբիա կատարած այցի շրջանակներում, ինքնաթիռով մեկնել Սաուդյան Արաբիա։