«Տաշիրը» գնում է «Իզվեստիայի» շենքը
«Տաշիր» ընկերությունների խումբն ավարտել է «Իզվեստիա» թերթի խմբագրության շենքի գնման գործարքը եւ ձեռնամուխ է եղել դրա արդիականացմանը: Նախագիծը ենթադրում է նոր բազմաֆունկցիոնալ համալիրի ստեղծում, ՌԻԱ Նովոստիին հայտնել են տեղեկացված աղբյուրները:
«Հայտնի է դարձել, որ ընթացիկ տարվա փետրվարին ավարտվել է «Տաշիր» խմբի կողմից «Իզվեստիայի» խմբագրության շենքի գնման գործարքը: Ներկայում «Տաշիրը» ձեռնամուխ է եղել շենքի արդիականացման աշխատանքներին»,- ասել է աղբյուրը:
Նրա խոսքով՝ արդիականցման նախագծի ներդրումները կազմում են մոտ 150 մլն դոլար:
«Իզվեստիայի» շենքի ճակատային մասն ամբողջությամբ կպահպանվի. կստեղծվի նոր համալիր, որը կներառի նաեւ 250 համարով հյուրանոց, գրասենյակային հատված, ինչպես նաեւ հանրային սննդի եւ առեւտրի օբյեկտներ: