Telegram-ը թարմացվել է
Հաղորդագրությունների փոխանակման Telegram հավելվածը կարեւոր թարմացում է ստացել, որը հասանելի է Android եւ iOS օգտատերերի համար։ Թարմացումը մի քանի կարեւոր փոփոխություններ է բերել, ներառյալ 2.0 վարկածի թեմաների խմբագրումը, տեղեկացնում է IXBT-ը։
Թարմացումը տեղադրելուց հետո դուք կարող եք ընտրել օգտատիրական գույներ հավելվածի բոլոր տարրերի համար։ Բացի այդ, դուք կարող եք նաեւ թեմաներ կիսել այլ օգտատերերի հետ։ Գոյություն ունեն նաեւ պատրաստի շաբլոններ, եթե օգտատերը չի ցանկանում դրանք կարգավորել ձեռքով։
Բացի անհատականացումից, հայտնվել է նոր գործառույթ Send When Online անվանմամբ։ Այդ գործառույթը թույլ է տալիս հաղորդագրություններ ուղարկել միայն այն պահին, երբ օգտատերը օնլայն է։
Նոր տարբերակի կարեւոր առանձնահատկություններն են.
Կարելի է հեշտությամբ նշել գտնվելու վայրը քարտեզի վրա՝ պարզապես դիպչելով դրան։
Կա ենթակաստերի եւ աուդիոգրքերի աջակցություն։ Աուդիոֆայլերը 20 րոպե տեւողությամբ ինքնաբերաբար համարվում են ենթակաստ, կա ավելի արագ վերարտադրման ռեժիմ։
Գիշերային ռեժիմը կարելի է արագ միացնել էկրանին գտնվող կոճակի օգնությամբ։
Քարտեզներն ինքնաբերաբար մթնում են գիշերային ռեժիմում (Android)։
Նոր անիմացիաներ (Android)։
Դուք կարող եք ընտրել եւ պատճենել միայն ինչ-որ մեկի հաղորդագրության մի մասը ամբողջի փոխարեն (Android, արդեն կա iOS-ում)։
Կարելի է ընտրել մի քանի մարդ, որպեսզի հաղորդագրությունն ուղարկվի միաժամանակ (Android)։
Կարելի է նշել բոլոր արխիվային չաթերը որպես ընթերցված (Android)։
Մշակվել է կոնտակտների առաքման վիդեոյի եւ էկրանի ընտրությունը (Android)։
Ամբողջ տեքստի չափի կարգավորում հավելվածում (iOS)։