Ռոհանին ԱՄՆ-ին կոչ է արել վերադառնալ ՀՀԳՊ-ում սկզբնական կետին
Իրանը պատրաստ է ԱՄՆ-ի հետ բանակցություններին, եթե Վաշինգտոնը վերադառնա միջուկային գործարքի մեջ «սկզբնական կետին», հայտարարել է Իրանի նախագահ Հասան Ռուհանին, հայտնում է ՌԻԱ Նովոստին։
«Հենց նրանք հետ վերադառնան սխալ ուղուց, հենց նրանք վերադառնան այն կետին, որից կազմակերպել են Իրանի դեմ նոր դավադրությունը, մենք պատրաստ ենք բանակցությունների, սակայն պայմանով, որ կվերադառնանք սկզբնական կետին»,- ասել է նա իրանական հեռուստատեսությամբ ցուցադրված իր ելույթում։
Ռոհանին հավելել է, որ Իրանի «կապիտուլյացիային» ձգտելու ԱՄՆ-ի փորձերն արդյունքի չեն հասցնի։
2015թ․ ՄԱԿ ԱԽ մշտական անդամները (Ռուսաստանը, Մեծ Բրիտանիան, Չինաստանը, ԱՄՆ-ը, Ֆրանսիան) եւ Գերմանիան Իրանի հետ մշակել էին Համատեղ համընդհանուր գործողությունների պլան՝ կապված իրանական միջուկային ծրագրի հետ։ Այն սահմանափակում էր Թեհրանի միջուկային գործողությունները՝ ՄԱԿ-ի պատժամիջոցները եւ ԱՄՆ-ի ու ԵՄ-ի սահմանափակումները հանելու դիմաց։ 2018թ․ ԱՄՆ-ը հայտարարել էր պայմանագրից միակողմանի դուրս գալու եւ խիստ պատժամիջոցների վերականգնման մասին։ Իրանը հայտարարել էր, որ աստիճանաբար կկրճատի պայմանագրի շրջանակներում իր պարտավորությունները։
Լուրեր Հայաստանից - NEWS.am