Գնում են Թիֆլիս Նոր տարի դիմավորեն, բայց չգիտեն այնտեղ ինչ է կատարվում
Վրաստանում իրավիճակը, մեղմ ասած, հանդարտ եւ հանգիստ չէ, բայց այդ մասին հայաստանցիներից շատերը չգիտեն: Նրանք առանց տեղեկանալու այնտեղ ստեղծված իրավիճակից մեկնեցին Վրաստանի մայրաքաղաք՝ Նոր տարին այնտեղ դիմավորելու:
Իսկ Թբիլիսիում լույս 31-ի գիշերը ոստիկանների եւ ցուցարարների միջեւ թեժ բախում է եղել, որի հետեւանքով վիրավորվել է տասը մարդ: Ոստիկաններին հաջողվել է վերացնել Ռուսթավելի պողոտայում, խորհրդարանի շենքի մոտ տեղակայված վրանային ավանը:
Այնտեղ հիմա տոնական տնակներ եւ մանկական ատրակցիոններ են տեղադրվել: Այսուհանդերձ, ընդդիմությունը չի նահանջում, եւ նրանք որոշել են գրոհով վերցնել Ռուսթավելի պողոտան, այն էլ Նոր տարվա տոնական գիշերը:
Ընդդիմությունը որոշել է Նոր տարին դիմավորել հենց այնտեղ եւ կրկին ներկայացնել իր պահանջները, իսկ այս ամենը հայաստանցիներին չի հետաքրքրում: Նրանք մեկնել են Վրաստան, առանց անգամ տեղեկանալու այնտեղ տիրող իրավիճակին:
Top-News.am