Մելանյա Թրամփը առաջին անգամ, որպես առաջին տիկին, մեկնում է արտասահման
Մելանյա Թրամփը, ԱՄՆ նախագահ դոնալդ Թրամփի կինը, ամուսնու երդմնակալությունից հետո առաջին անգամ ուղեւորվում է արտասահման։ Այս ուրբաթ, մայիսի 19-ին Թրամփ զույգը ութ օրով կմեկնի ԱՄՆ–ից։
Նախագահական ընտանիքը կայցելի Սաուդյան Արաբիա եւ Իսրայել, ապա այնտեղից՝ Եվրոպա, որտեղ նրանց սկզբում կընդունի Հռոմի Պապ Ֆրանցիսկը՝ Վատիկանում, ապա նրանք կուղեւորվեն Բրյուսել՝ ՆԱՏՕ–ի երկրների ղեկավարների հետ ոչ պաշտոնական հանդիպման եւ ավարտին՝ կվերադառնան Իտալիա՝ մասնակցելու G7 գագաթնաժողովին, որը անցկացվելու է Սիցիլիայում։
Առաջին տիկնոջ գրասենյակը չի հրապարակել նրա միջոցառումների եւ հանդիպումների մանրամասն ժամանակացույցը, բայց հայտնի է, որ Մելանյա Թրամփը մասնակցելու է «ամուսնական ծրագրերին»՝ ՆԱՏՕ–ի եւ G7 գագաթնաժողովների շրջանակներում։
«Ես շատ հուզված եմ,– ասել է նախագահի կինը։ Դա ոչ միայն հնարավորություն է աջակցելու իմ ամուսնուն, քանի որ նա աշխատում է ազգային անվտանգության եւ արտաքին քաղաքականության կարեւոր հարցերի վրա։ Ինձ համար նաեւ պատիվ է լինելու հանդիպել եւ զրուցել տարբեր երկրների կանանց եւ երեխաների հետ՝ ապագայի տարբեր տեսլականներով»։