Թովմաս Գրիգորյան․ Նիկողոսյան - Մելիքբեկյան տանդեմի ռեպրեսիաները շարունակվում են
ՀՖՖ նախագահի թեկնածու, Վանաձորի «Լոռիի» նախագահ Թովմաս Գրիգորյանը հանդես է եկել հայտարարությամբ։
«Հարգելի հայրենակիցներ,
ՀՖՖ նախագահի արտահերթ ընտրություններին մնացել են հաշված ժամեր, բայց Նիկողոսյան-Մելիքբեկյան տանդեմի ռեպրեսիաները շարունակվում են: Անգամ այսօր ճնշումները ՀՖՖ անդամ կազմակերպությունների վրա կան, իրենց թիմակիցները զանգահարում են կազմակերպությունների ղեկավարներին, տեղեկացնում, որ իրենք նոր պատվիրակ կնշանակեն, իսկ նախորդի համար կտրամադրեն բժշկի թուղթ: Կան համապատասխան ձայնագրություններ, որոնք անհրաժեշտության դեպքում կհրապարակվեն:
Սթափության կոչ եմ անում՝ ֆուտբոլային ընտանիքն ինքնուրույն պետք է որոշի իր ղեկավարին։ Հակառակ դեպքում հետեւանքներն անդառնալի կլինեն»,- նշվում է հայտարարությունում։
Դեկտեմբերի 23-ին նշանակված ՀՖՖ արտահերթ ժողովը կընտրի կազմակերպության նախագահին եւ գործկոմի անդամներին։ Նախագահի թեկնածուներն են ՀՖՖ գլխավոր քարտուղար Արմեն Մելիքբեկյանը եւ Թովմաս Գրիգորյանը։ Պաշտոնը թափուր է Արթուր Վանեցյանի հրաժարականից հետո։