Աշխարհի ամենահարուստ մարդիկ միլիարդներ են կորցրել Թրամփի պատճառով
Աշխարհի 500 ամենահարուստ մարդիկ մոտ 35 միլիարդ դոլար են կորցրել ԱՄՆ–ում եւ այլ երկրների ֆոնդային բորսաներում փլուզումից հետո, ինչը տեղի է ունեցել մայիսի 17-ին՝ ԱՄՆ նախագահ Դոնալդ Թրամփի ադմինիստրացիայի շուրջ ծագած աղմուկի պատճառով։ Այս մասին հաղորդում է «Bloomberg» գործակալությունը։
Այսպես, միլիարդատերերի առաջատար Բիլ Գեյթսը զրկվել է մոտ 1 միլիարդ դոլարից, քանի որ մոտ 2%-ով էժանացել են Microsoft-ի ակցիաները։ Ներկայումս Գեյթսի հաշվին կա մոտ 86,8 միլիարդ դոլար։
Ֆեյսբուքի հիմնադիրներից՝ Մարկ Ցուկերբերգը կորցրել է 2 միլիարդ դոլար։ Միլիարդատիրոջ կարողությունը կրճատվել է 62 միլիարդ դոլարով, իսկ Facebook-ի ակցիաների գինը ընկել է մոտ 3,3%-ով։
«Amazon» կազմակերպությունը գլխավորող՝ ձեռնարկատեր Ջեֆրի Բեզոսը աղքատացել է 1,7 միլիարդով. Բեզոսին պատկանող ակտիվների գումարային արժեքը կրճատվել է 81,9 միլիարդ դոլարով։