Հայտնի են անցնող տասնամյակի լավագույն գաջեթները
2010 թվականից աշխարհում ստեղծվել են հսկայական քանակությամբ տարբեր խելացի սարքեր, եւ չնայած դրանցից մի քանիսը միանշանակ «ավելի հզոր» են՝ դրանց ազդեցությունը անցնող եւ առաջիկա տասնամյակում բնավ միանման չէ: Time-ը կազմել է անցնող տասնամյակի լավագույն 10 գաջեթների ցուցակը, հաղորդում է Life-ը:
Առաջին տեղում Apple iPad-ն է. այն «առաջացրել է անձնական համակարգիչների ոլորտում մշակութային տեղաշարժեր եւ զարկ տվել շարժական սարքերին հաջորդ տասնամյակի համար»: Երկրորդ տեղում 2012 թվականի Tesla Model S էլեկտրամոբիլն է, որը փոխել է ավտոմոբիլային արդյունաբերության ուղին:
Հաջորդը Raspberry Pi փոքր համակարգիչն է, որը թույլ է տվել ստեղծել համակարգը նոր էջից. փոքրիկ սարքի մեջ տեղավորվում է ամեն ինչ՝ ռոբոտատեխնիկայից մինչեւ զվարճանքների համար տնային ավտոմատացումը:
Թոփ-10-ում ներառվել են նաեւ Nintendo Switch ու Xbox Adaptive Controller կառավարման վահանակը՝ վերահսկող սարք հաշմանդամություն ունեցող մարդկանց համար, որն ընդլայնել է խաղացողների հնարավորությունները: Նույն այդ ցուցակում ընդգրկվել են Apple-ի եւս երկու ապրանք՝ AirPods անլար ականջակալները եւ Apple Watch խելացի ժամացույցը, որոնք իրենց ոլորտի պիոներներն են: