Սա Երեւանի կենտրո՞նն է, թե քրդաթուրքական գավառային քաղաք (Լուսանկարներ)
Սա Երեւանի կենտրոնն է: «Ռոսիա մոլ»-ի հարակից կանգառը կամ ինչպես ժողովուրդն է ասում՝ Ռասյայի կանգառը: Իսկ թե որն է այստեղ կանգառը դժվար է ասել: Ուշադիր նայեք լուսանկարներին եւ կհասկանաք, թե ինչ իրավիճակ է այստեղ: Կանգառի նշանի հարեւանությամբ առեւտրային տաղավարներ են եւ աղբարկղեր: Մարդիկ կանգնում են փողոցում: Այնտեղ, որտեղ կանգառն է, ոչ մի ավտոբուս, ոչ մի միկրոավտոբուս չի կանգնում: Անկյունային հատվածն էլ զբաղեցնում են տաքսիները:
Ոստիկանությունը ձայն չի հանում, քաղաքապետարանը ձայն չի հանում: Եւ ինչու հանեն. իրենց դա չի հետաքրքրում: Ընտրությունների արդյունքները հեշտությամբ նկարվում են, իսկ ժողովուրդն էլ չի բողոքում: Խելոք կանգնում են փողոցում եւ երկրորդ գծից ավտոբուսի մեջ իրենց գցում՝ վտանգելով իրենց եւ իրենց իսկ երեխաների կյանքը: Սա Երեւանի կենտրոնը չէ, այլ քրդաթուրքական գավառային քաղաք: