Վիեննայի օպերայում առաջին անգամ բեմադրվել է կնոջ կողմից գրված օպերան
Վիեննայի պետական օպերայում 150-ամյա պատմության ընթացքում առաջին անգամ բեմադրվել է կնոջ հեղիակած օպերան:
Ինչպես ներկայացնում է BBC News-ը, ավստրիացի կոմպոզիտոր Օլգա Նոյվիրթը նոր օպերա է հեղինակել՝ Վիրջինիա Վուլֆի «Օրլանդո» (1928) վեպի հիման վրա, որը անդրադառնում է գենդերային հեղուկության և երկակիության հարցերին:
Գլխավոր դերը խաղացել է երգչուհի Քեյթ Լինդսին: Օրլանդոն ապրում է դարերով՝ նախ որպես տղամարդ` Էլիզաբեթյան դարաշրջանի Անգլիայում, այնուհետև վերափոխվում է կնոջ:
«Սա ոչ միայն ուղևորություն է դարերի միջով, այլև ուղևորություն այն մշտական հարցերի միջով, որոնք պարտադրվում են հասարկության կողմից»,- ասել է օպերայի հեղինակը: