Արհեստական բանականությունն ավարտին կհասցնի Բեթհովենի անավարտ սիմֆոնիան
Գերմանական Բոն քաղաքում գտնվող Բեթհովենի տանն արդեն մի քանի շաբաթ է աշխատանքներ են ընթանում: Կոմպոզիտորի 250 ամյակի հոբելյանի կապակցությամբ փորձում են ավարտին հասցնել Բեթհովենի 10-րդ անավարտ սիմֆոնիան: Այս մասին հայտնում է Frankfurter Allgemeine-ը:
Միջազգային ստեղծագործական նախագիծն անցկացվում է մի խումբ կոմպոզիտորների, երաժշտագետների և ծրագրավորողների մասնակցությամբ, որոնք աշխատում են ստեղծել ալգորիթմ, որը կարող էր ինքնուրույն վերականգնել երաժշտական գործի բացակայող մասերը հենց Բեթհովենի ոճով:
Թե դրանից ինչ կստացվի, դեռ չգիտեն նույնիսկ գաղափարի հեղինակները, սակայն հիմա էլ ալգորիթմը զարմացնում է դրա վրա աշխատողներին: Արհեստական բանականության միջոցով ավելացված ստեղծագործության պրեմիերան նախատեսվում է 2020 թվականին: