Ռոբերտ դե Նիրոն հայտնել է, թե որ դերն է իրեն դժվարությամբ տրվել
Հոլիվուդյան դերասան Ռոբերտ դե Նիրոն պատմել է, թե որ ֆիլմի նկարահանումներին է իր համար առավել բարդ եղել պատրաստվել 50 տարվա ստեղծագործական կյանքի ընթացքում:
Ինչպես փոխանցում է РИА Новости-ն, նման ֆիլմերից նա նշել է 1980 թվականին թողարկված «Կատաղի ցուլ» կենսագրական ժապավենն ամերիկացի բռնցքամարտիկ Ջեյք Լամոտտեի մասին: Ֆիլմի ռեժիսորը Մարտին Սկորսեզեն է: Դերասանը նշում է, որ դերը կերտելու համար ստիպված է եղել ավելորդ քաշ հավաքել:
Դե Նիրոն հիշել է, որ բռնցքամարտիկին հանդիպել է փողոցում, երբ նա արդեն շատ գեր էր, և այդ հանդիպումը ոգեշնչել է իրեն աշխատել այդ կերպարի հետ:
Այդ դերի համար նա ստացել է իր երկրորդ «Օսկարը»: Առաջին մրցանակը դե Նիրոն ստացել է «Կնքահայրը 2» ֆիլմում երկրորդ պլանի դերակատարման համար: