1USD = AMD
1EUR = AMD
1RUB = AMD
Այսօր՝ 18 հոկտեմբերի 2017թ., 00:00
Արտակարգ իրավիճակ Արմավիրի մարզում. նախկին պատգամավորին պատկանող գազաբալոններով բեռնատարը հայտնվել է ձորում 3-րդ հայ գործարարի սպանությունը դրսում. Ուկրաինայում ընկերը սպանել է ֆաբրիկայի տնօրենին Խախտումներ՝ թիվ 17 հատուկ դպրոցում. ԿԳՆ-ն դիմել է դատախազություն Դատարանը մերժեց Անդրիաս Ղուկասյանին գրավի դիմաց ազատ արձակելու միջնորդությունը Արտակարգ դեպք՝ Դոնի-Ռոստով-Երևան չվերթի ինքնաթիռում. Տեսանյութ Հայ աղջիկը հիացրել է «Я могу» շոուի հանդիսատեսին. Իմ ընդունակությունը մոլորակում ունի մարդկանց ընդամենը 1%-ը Ամուսնու անհավատարմության մասին տեղեկանալով` կինը ծեծել է ամուսնու սիրուհուն Օրհան Փամուք. «Թուրքիան հեռանում է Եվրոպայից և դառնում է բռնապետական երկիր» «Բարսելոնան» կարող է սնանկանալ Կատալոնիայի անկախանալու դեպքում Բարզանին կոչ է արել քուրդ ժողովրդին խուսափել քաղաքացիական պատերազմի տանող քայլերից «Էրդողան, դու սկզբում բերա՛նդ լվա, նոր խոսա». թուրք կուսակցապետ ԱԱ-2018-ի անցումային խաղերի վիճակահանության արդյունքները Չեմպիոնների լիգա. «Բեշիկթաշը» թուրք երկրպագուներին խնդրել է ներկա չլինել «Մոնակոյի» դեմ խաղին Գերմանացիների մեծ մասը դեմ է պաշտոնապես մուսուլմանական տոներ սահմանելուն Հարվի Վայնշթեյնը կհեռացվի Ամերիկյան պրոդյուսերների գիլդիայից Ռադարներից կորել է ճապոնիական ռազմական ուղղաթիռը Մոտ 700 ընկերություն է հեռացել Կատալոնիայում անկախության հանրաքվեի անցկացումից հետո Առանց լուրջ միջոցառումների՝ 2035 թվականին ՀՀ բնակչությունը 2,6 մլն-ից ավելի չի լինի. ՄԱԿ Ազգաբնակչության հիմնադրամ Միջուկային պատերազմը կարող է սկսվել ցանկացած պահի. Հս. Կորեա Աշխարհի բնակչությունը- 2017. Որտեղ է Հայաստանն առաջատար Մեծամորի ԱԷԿ-ի տարիքը, ռիսկայնությունն ու փակման հետևանքները Բաքվի փողոցներում քայլում էին հարբած գեյեր. Տեսանյութ 10 օրվա ընթացքում 5 անգամ թալանել են «Իզի Փեյ» ՍՊԸ-ի վճարահաշվարկային տերմինալի պահոցները՝ տանելով խոշոր չափի գումար Կրակոցներ Նոր Նորքում Այս տարի ավելացել է ցորենի ներկրումը Հայաստան Երևանում բնակարանների միջին գինը 10 տարում նվազել է 43 %-ով Դոն Պիպոյի կողմնակիցները գրոհ են սկսել «Նուբարաշեն» ՔԿՀ-ում Տապալված ծառեր, սյուներ ու հրդեհ. ի՞նչ վնասներ է հասցրել ուժեղ քամին. «911»-ից ստացված ահազանգերը Երեւանյան կարաոկե ակումբում մի խումբ աղջիկներ ծեծել են իրար Ամերիկացին ռուս կնոջ հետ ամուսնանալու համար պայթեցրել է տունը, որտեղ գտնվում էր իր կինը Վիճաբանություն Երեւանի կենտրոնում. Բժշկական համալսարանի վարչության պետը տեղափոխվել է հիվանդանոց Լարսի ճանապարհը փակ է բեռնատարների համար Առաջիկա օրերին կապույտ երկինք եւ աշնանային արեւ Ինչպես է Հոլանդիայի վարչապետը եկել թագավոր Ալեքսանդրի հետ հանդիպման Արցախի ԱԳՆ հայտարարությունը Սարգսյան-Ալիև հանդիպման մասին Թբիլիսիում մեկնարկել է Վրաստանի, Թուրքիայի և Ադրբեջանի ԶՈւ ղեկավարների հանդիպումը Մալթայի լրագրողուհու սպանության հետևում կարող են կանգնած լինել ադրբեջանական հատուկ ծառայություննե՞րը. Տեսանյութ «Կոնվերսի» գործով ձերբակալվել է նաեւ Արսեն Գրիգորյանը. նոր մանրամասներ Իրաքի կառավարական զորքերը մտել են Քիրքուք ԱՄՆ-ը մտահոգված է Իրաքում ռազմական գործողություններով ԵՄ ԱԳ նախարարները պաշտպանում են Իրանի հետ միջուկային համաձայնագիրը Ստեղծվել է կանանց սեռական ցանկությունները խթանող դեղամիջոց Ովքեր են պատասխան տալու խուճապ տարածելու համար ՀՀԿ-ն հետ է քաշել գործարարների «բատալիոնը» եւ տեղն ուղարկել մեկհոգանոց «մատյան գունդ» Օտարի հետ չեն ծերանում Չեմպիոնների լիգա. Օրվա խաղերի անոնս Խնդիր հայ ֆուտբոլասերների համար Ամուսնական 14,5 հատ մատանի՝ բյուջեի հաշվին. Եղեգնավանի զավեշտը Ղրղըզների ընդվզումը․ ԵՏՄ-ն՝ քաղաքական նոր ճգնաժամի շեմին Կոռուպցիոն պատմություններ. դատավորին «լավություն են արել»՝ թույլ տալով դիմում գրել, հեռանալ ՄԱԿ գլխավոր քարտուղարը Հայաստանին եւ Ադրբեջանին կոչ է արել հասնել Լեռնային Ղարաբաղի հակամարտության կարգավորմանը Չկա ամենակարևորը՝ գողն ու գողոնը ՀՀ Սահմանադրական դատարանի շուրջ հետաքրքիր ինտրիգ է հասունանում Լեհաստանին «աչքալուսանք» են տանելու Մալթայում պայթեցրել են երկրի իշխանությունների և Ադրբեջանի հանցավոր կապերի մասին սեփական հետաքննությունն անցկացնող լրագրողին Հղի Քեյթ Միդլթոնը մասնակցել է մանկական տոնահանդեսին (Տեսանյութ, լուսանկարներ) Սխալ հասկանալու հետեւանքները Կատալոնիայի անկախության շարժման երկու առաջնորդները կալանքի տակ կմնան Վանում առաջարկել են եւս մեկ հայկական եկեղեցի վերականգնել «Մանչեսթեր Յունայթեդի» ֆուտբոլիստները մեկ օր շուտ են մեկնել Լիսաբոն Օքսանա Պուշկինա. Արմեն Ջիգարխանյանը պատրաստվում է ամուսնալուծվել Թուրքիան փակել է օդային սահմանը Իրաքի Քուրդիստանի հետ Սուտը կարելի է հայտնաբերել ըստ ձեռագրի Մրցակցությունը հանուն սիրո ուժեղացնում է Աստծու հանդեպ հավատը Սերժ Սարգսյան. Պայմանավորվել ենք, որպեսզի միջոցներ ձեռնարկենք լարվածությունն էլ ավելի թուլացնելու ԵՄ-ն Իրանի դեմ լրացուցիչ պատժամիջոցների հարց չի քննարկում. Մոգերինի Ջիգարխանյանը՝ կնոջ հետ վեճի մասին. եզակի նողկալի պատմություն է Դուք երբևէ տեսե՞լ եք «Վաճառվում է մզկիթ» տիպի հայտարարություն. Փայլանն ընդվզել է հայկական եկեղեցիների շենքերը վաճառողների դեմ Իդլիբից հետո Թուրքիան կմտնի Աֆրին Լեհաստանի մայրաքաղաքում հայ տղամարդ է սպանվել Օրհան Փամուք. «Այսօր Թուրքիայում մտքի ազատություն չկա և դա ինձ զայրացնում է» ԱՄՆ-ն մերժել է համատեղ հանձնաժողով ստեղծելու Թուրքիայի առաջարկը Ժնեւ. նախագահները համաձայնել են միջոցներ ձեռնարկել բանակցային գործընթացն ակտիվացնելու Ստամբուլի փողոցներից մեկը կկրի հռչակավոր հայ լուսանկարչի անունը Հայաստանի 3 մարզում քամու ուժգնացումը երեկոյան կարող է կրկնվել Հոկտեմբերի 17-ին Թբիլիսիում կհանդիպեն Թուրքիայի, Ադրբեջանի և Վրաստանի ԶՈւ հրամանատարները Գրին քարտի խաղարկությունը նորից է սկսվում Թուրք նախարարը բաժանվել է ամուսնուց, երբ իմացել է, որ նա գյուլենական է Բժիշկները Ջիգարխանյանի վիճակը գնահատում են միջին ծանրության Բրիտանուհին 3 դոլար սիմվոլիկ գումարով վաճառքի է հանել իր երեքհարկանի տունը
Հարցում

ՀՀ Պաշտպանության նախարար Վիգեն Սարգսյանը՝ այս շաբաթվա զոհերի մասին (Տեսանյութ)

ՀՀ Պաշտպանության նախարար Վիգեն Սարգսյանի ուղերձը զինծառայողներին

ՀՀ Պաշտպանության նախարար Վիգեն Սարգսյանի ուղերձը

Սիրելի՛ զինծառայողներ,

Մենք ամփոփում ենք տոնական շաբաթը, և վստահ եմ, որ Պաշտպանության նախարարից ակնկալում եք շնորհավորանքի խոսքեր լսել: Անշուշտ, ես միանում եմ բոլոր այն շնորհավորանքներին, որ հնչել են Հաղթանակի և խաղաղության տոնի առթիվ: Սրանք մեծ, պատմական, կոթողային իրադարձություններ են, որոնք ուղղակիորեն առնչվում են մեր ներկային և ապագային:

Բայց տոնական այս շաբաթը ես ամփոփում եմ ցավի և խոր մտահոգության զգացումով: Մենք՝ բանակում, իսկ իրականում` մեր ողջ ժողովուրդը, ունեցանք չորս զինծառայողի կորուստ, որը ոչ միայն կարող էր չլինել, այլև պետք է չլիներ: Որոշեցի այս ձևով դիմել ձեզ` հաշվի առնելով, որ բոլորդ միասին զորամասերում դիտում եք «Զինուժ» ծրագիրը, և հուսով եմ՝ կկարողանամ Ձեզ հասցնել մեր ողջ ժողովրդի հորդորն ու խնդրանքը:

Անցնող շաբաթվա սկզբին դժվարին ծառայության բավականաչափ երկար ճանապարհ անցած ժամկետային երեք զինծառայողներ, խախտելով զինվորական կանոնադրությունների տարրական պահանջները վերցրել են իրենցից մեկին ամրագրված ծառայողական ավտոմեքենան և ինքնակամ լքել զորամասը: Առավոտյան տողանում զինծառայողների բացակայությունը նկատելուց հետո սկսված որոնողական գործողությունների արդյունքում պարզվել է, որ նրանք ենթարկվել են ճանապարհատրանսպորտային պատահարի, որի հետևանքով մեքենան հայտնվել է ջրամբարում:

Երկրորդ ողբերգական դեպքը, ըստ նախնական տվյալների, տեղի է ունեցել մարտական հերթապահություն իրականացնող երկու զինվորների միջև ծագած վեճի արդյունքում` նրանցից մեկի կողմից հերթափոխի կանոնները խախտվելու շուրջ: Արդյունքը` ծառայակցի կողմից կրակոց` մահացու վիրավորման ելքով:
Եվս մի դեպք տեղի է ունեցել Երևանում, օրը ցերեկով: Իրականության հետ կապը կորցրած մի քանի զինծառայողներ, իրենց օրենքից վեր համարելով, վիճաբանության են բռնվել անսթափ վիճակում մեքենա վարելու համար իրենց կանգնեցրած ճանապարհային ոստիկանության աշխատակիցների հետ և սպային ու զինծառայողին անվայել վարք դրսևորել հանրային վայրում` մեր բազմաթիվ հայրենակիցների աչքի առջև:

Ինչու՞ եմ ես միավորում այս երեք դեպքերը: Պարզ պատճառով: Երեքն էլ մեր անփութության, անկարգապահության, անտեղի ինքնավստահության, մեր ծառայողական պարտականությունները ոչ պատշաճ կատարելու արդյունք են:
Իհարկե, երեք դեպքով էլ կատարվում են ծառայողական քննություններ, և ես խստագույնս պատժելու եմ այն հրամանատարներին, սպաներին, պատասխանատուներին, ովքեր պետք է անհնար դարձնեին նման իրավիճակների առաջացումը:

Մեր կանոնադրությունները հենց այնպես չեն գրված: Մեր կանոնները ձևի համար չեն, մեր կարգապահությունը` ավելորդություն չէ:

Դուք բոլորդ մեծ, կարևոր, գուցե և ամենակարևոր գործն եք կատարում մեր Հայրենիքի համար: Հիշեք դա, և արեք այնպես, որ ժողովուրդը ոչ միայն սիրի ձեզ՝ որպես իր զավակների, այլև խորապես հարգի որպես ազգի պաշտպանների` հասկանալով, որ զինվորական լինել նշանակում է լինել կարգապահ, օրինապահ, ուժեղ:

Ուժեղ լինել չի նշանակում լինել անպատիժ: Ուժը բանակում անհրաժեշտ հատկանիշ է, բայց այն պետք է ուղղված լինի հակառակորդի, այլ ոչ թե յուրայինի դեմ: Ուժեղ մարդը երբեք այդ ուժը չի ցուցադրում իրենից թույլի, առավել ևս` իր ծառայակցի, իր պես համազգեստ կրողի նկատմամբ: Մի քանի հոգով չի հարձակվում մեկի վրա, չի ստեղծում իրավիճակ, որը կարող է վտանգել իրեն կամ իր մերձավորներին:
Իմ ուղերձի նպատակն է՝ դիմել յուրաքանչյուրիդ` հրամանատարից մինչև շարքային` խնդրելով հետամուտ լինել խոսքերիս: Ձեր պատասխանատվությունը մեծ է, Ձեզ այսօր շատ է տրված Հայրենիքը պաշտպանելու սրբազան պարտականության առումով: Իսկ ում շատ է տրված, նրանից շատ է պահանջվում՝ ասված է Սուրբ գրքում:

Նշածս դեպքերի արդյունքում խամրեց չորս հայկական օջախների լույսը: Եվս մի քանիսը հայտնվելու են բուն ծառայությունից շեղող, զինծառայողի, հատկապես` սպայի կերպարին ոչ վայել երկարատև հարցաքննությունների, ծառայողական ուսումնասիրությունների, հնարավոր է նաև քրեական հետապնդման դաշտում: Միթե՞ դա այն գինն է, որ կարող ենք մեզ թույլ տալ ամենաթողության վայրկենական և թվացյալ հաճույքը վայլելու համար: Գերազանցած արագությունը, զորամասն ինքնակամ լքելը, հսկողության թուլացումը, զորամասի ներսում արտոնյալ կարգավիճակով զինծառայողների առկայությունը, մարտական հերթապահություն իրականացնող զինակից ընկերոջ սխալին վիրավորանքով արձագանքելը` սրանք բոլորը կարող են և այս շաբաթվա դեպքերի պարագայում վերածվեցին անշրջելի, երկու դեպքում` ողբերգական իրողության:

Մեր ժողովրդի համար Հայրենիքի պաշտպանությունը սրբազան առաքելություն է: Դուք` այդ առաքելության կրողներն եք: Ուրեմն այդ ճանապարհին պարտավոր ենք լինել ազնիվ և խոհեմ:

Երբ մենք խոսում ենք երկրում առկա արատավոր երևույթների մասին` պետք է գիտակցենք, որ ամեն մեծ հանցագործություն հետևանք է նույնատեսակ հարյուրավոր մանր և միջին զանցանքների և անսկզբունքայնության դրսևորումների: Մենք պարտավոր ենք վերացնել այդ երևույթները մեր անմիջական շրջապատում` թույլ չտալով, որ դրանք բազմանան և մեծանան` վտանգելով մեր ազգային գոյը:

Դուք ամեն օր կանգնած եք կարևորագույն խնդիրները մեծ դժվարությունների գնով կատարելու մարտահրավերի առջև: Հակառակորդը ջանք չի խնայում մեր ընտանիքներին, ողջ հասարակությանը ցավ պատճառելու համար: Ուրեմն պետք է լինենք շրջահայաց և չավելացնենք այդ վտանգներին նորերը: Հիշեք, որ բանակում տեղի ունեցող ամեն մի պատահար, ամեն մի դեպք մեծ ցավ է պատճառում մեր ողջ ժողովրդին, իսկ երկարատև առումով նաև խաթարում է բանակի նկատմամբ հասարակության վստահությունը: Դա կարող է թուլացնել մեզ, հեռացնել Ազգ-բանակ լինելու հրամայականից, դրդել մարդկանց խուսափելու պատվաբեր զինվորական ծառայությունից:

Ցանկացած գայթակղության առերեսվելիս՝ հիշեք ձեր ծնողներին, ընկերներին, հարազատներին, հրամանատարներին, համածառայակիցներին, ձեր սիրած էակներին և մտապահեք, որ նույնիսկ աննշան թվացող սխալը բանակի պարագայում կարող է ճակատագրական դառնալ:

Խստորեն պահպանեք անվտանգության կանոնները, անվերապահորեն կատարեք ձեր հրամանատարների հրահանգները, հարգեք ձեր ծառայակից ընկերներին, և ծառայությունը կանցնի առավելապես անվտանգ և մեծ օգուտ կբերի ձեր իսկ ամրապնդվելու, քաղաքացիական հասունացման, հասարակության արժանի զավակ դառնալու ճանապարհին:

Հիշեք նաև, որ կյանքում չկան անելանելի իրավիճակներ: Անգամ ամենաբարդ խնդիրը լուծում ունի, իսկ այն, ինչ այս պահին ձեզ անելանելի է թվում, ընդամենը օրեր, շաբաթներ անց կդառնա աննշան և երկրորդական: Ձեր շուրջը միշտ կան մարդիկ, ում հետ կարող եք կիսվել, պատմել Ձեզ անհանգստացնող խնդիրների մասին` ձեր հրամանատարները, գնդերեցները, զինվորական հոգեբանները: Եթե չեք գտնում այդպիսի մարդկանց, պատմեք իրավիճակի մասին ձեր ծնողներին, ընկերներին, զանգահարեք Պաշտպանության նախարարության 1-28 թեժ գիծ, կամ դիմեք Մարդու իրավունքների պաշտպանի գրասենյակ:

Բանակում կան ուրույն կանոններ և սովորույթներ: Դրանք ձևավորվում են ամենատարբեր իրողությունների համադրման արդյունքում: Հարգեք դրանք: Բայց եթե դրանց մեջ տեսնում եք Ձեր արժանապատվությունը կամ ինքնասիրությունը վտանգող երևույթներ, մի վարանեք վստահորեն և անհապաղ վերադաս ղեկավարությանը Ձեր մտահոգությունների մասին պատմելու հարցում:

Դուք այսօր կատարում եք աշխատանք, որից կախված է Ձեր ծնողների, հարազատների, սիրելիների, ընկերների, մեր ողջ ժողովրդի անվտանգությունը: Ուրեմն կատարենք այդ աշխատանքը մեծագույն պատասխանատվությամբ և արժանապատվությամբ: Նվաստացնելով ձեր զինակից ընկերոջը, ծաղրելով թույլին, դրդելով նրան ծայրահեղությունների, դուք ուղիղ հարված եք հասցնում մեր անվտանգությանը, ուրախացնում հակառակորդին, հիասթափեցնում մեր հասարակությանը:

Սիրելի՛ հրամանատարներ, դուք մեր հասարակության այն ուժեղագույն մասն եք, որ Հայրենիքի պաշտպանությունը դարձրել է ողջ կյանքի առաքելություն: Ձեր գերակշիռ մեծամասնությունը անցել է պատերազմի դժվարին փորձություններով և դարձել մեր ազգային ոգու և սխրանքի խորհրդանիշ:

Դուք գիտեք, որ ժողովուրդը ձեզ է վստահել իր զավակներին: Լավագույններին, ամենաարժանավորներին: Վստահ եմ, որ գիտեք, որ հոգատար պետք է լինեք նրանց հետ, պետք է խստագույնս բացառեք «արտոնյալների» առկայությունը, ովքեր մի օր հենց Ձեզ կանգենցնելու են ծանրագույն խնդիրների առջև: Խստապահանջ եղեք Ձեր ավելի քիչ փորձ կամ հմտություններ ունեցող գործընկերների նկատմամբ, և եթե նկատում եք սպայի պատվին անվայել դրսևորում Ձեր կողքին` անպայման ընկերական զրույցի, իսկ եթե դա չի օգնում` նաև խիստ կանոնակարգված ընթացակարգերի միջոցով կանխեք դա:

Գիտեք նաև, որ անարդարությունը, անփութությունը, անտարբերբերությունը կարող են հեշտությամբ խաթարել երիտասարդի հավատը հրամանատարության, ինչո՞ւ չէ՝ նաև պետության հանդեպ: Զինվորը, որը վախենում է իր հրամանատարից, վախենալու է նաև հակառակորդից: Հարգեք և մեծարեք զինվորին, ձեր օրինակով ցույց տվեք ճիշտ ուղին, եղեք ոչ միայն հրամանատար, այլև առաջնորդ, մանկավարժ և ավագ ընկեր, և զինվորն ինքը հաճույքով կհետևի ձեր օրինակին:

Շնորհակալ եմ բոլորիդ` ուշադրության համար: Խնդրում եմ ձեր առաջիկա պարապմունքների, սպայական և սերժանտական խորհրդակցությունների ժամանակ քննարկել այս ուղերձը և կատարել անհրաժեշտ հետևություններ:

Բարի ծառայություն բոլորիդ:

website by Sargssyan