Մեռած տիեզերական արբանյակները «շատ մեծ վտանգ են ներկայացնում» Երկրի համար
Երկրի շուրջը պտտվող արբանյակների մոտ երկու երրորդը մեռած են եւ մոլորոկի համար «շատ մեծ վտանգ են ներկայացնում», հայտնում է AP-ը։
Եվրոպական տիեզերական գործակալությունը (ESA) առաջարկում է տիեզերական աղբի, այդ թվում՝ 3000 ոչ ակտիվ արբանյակների մեծացող խնդրի լուծման առաքելություն կազմակերպել։
Եվրոպայում տիեզերական քաղաքականության համար պատասխանատու նախարարները հանդիպել են իսպանական Սեւիլիայում, որպեսզի քննարկեն հաջորդ երեք տարիներին ESA-ի ֆինանսավորումը։
Առաքելությունը պետք է մեռած արբանյակները Երկիր վերադարձնի։
Բացի այն, որ ESA-ն հուսով է լուծել տիեզերական աղբի խնդիրը, նա ծրագրում է երկնաքարերի հետ կապված վտանգների հայտնաբերման եւ կանխման առաքելություն։
Մասնագետները նշում են, որ արեւային բռնկումները Երկրի համար պոտենցիալ վտանգ են ներկայացնում՝ հայտարարելով, որ կարեւոր է տիեզերական խնդիրների մասին նախնական վաղ նախազգուշացման համակարգ ունենալը։
Ինչ վերաբերում է երկնաքարերի հետ աշխատանքին, նրանք հայտնել են, որ ESA-ն եւ NASA-ն կաշխատեն միասին, որպեսզի խնդրի լուծման առաքելություն ստեղծեն։