Ցանցառապետության կյանքից. դրվագ 20
Ցանցառապետությունում շարունակվում են զարմանահրաշ իրադարձությունները: Մեկ ջրով լի դույլով տղամարդ է Հաթերքի կողմերում հայտնվում վարչապետի շարասյանն ընդառաջ, իսկ հետո Միլանի հայկական եկեղեցում, ՀՀ վարչապետի հետ փակ հանդիպման ժամանակ հայտնվում է իբր ադրբեջանցի բլոգերը, որը չգիտես ինչու նման է օրեր առաջ Բաքվի փողոցներում ցուցարար ադրբեջանցիներին ակտիվորեն ձերբակալող անվտանգության ծառայության աշխատակցին, եւ անգամ հարցեր տալիս Փաշինյանին:
Սա դեռ քիչ չէ, հետո վարչապետի մամուլի քարտուղարն ասում է, թե բա նորմալ է, որ ով ուզի մոտենա վարչապետին եւ հարց տա, թե իբր եկեղեցի ով ուզում, երբ ուզում մտնում է:
Այ, այ, այ, իսկ եթե մի օր Երեւանում մի իսկական բլոգեր ցանկանա առանց նախապես գրանցվելու մոտենալ վարչապետին եւ հարց ուղղել՝ ի՞նչ եք ասելու այս դեպքում:
Հենց այսպես էլ շարունակվում է կյանքը ցանցառապետությունում: Իրադարձությւոնների, տարօրինակ իրադարձությունների պակաս չի զգացվում:
Top-News.am