«Մանկական Եվրատեսիլ 2019»-ի Ռուսաստանի մասնակիցն առաջին փորձի ժամանակ կորցրել է գիտակցությունը. նրան տեղափոխել են հիվանդանոց
«Մանկական Եվրատեսիլ 2019»-ի Ռուսաստանի ներկայացուցիչ 13-ամյա Դենբերել Օրժակը մրցույթի առաջին փորձի ժամանակ բեմի վրա կորցրել է գիտակցությունը: Նրան տեղափոխել են Լեհաստանի հիվանդանոցներից մեկը: Այս մասին հայտնում է Известия-ն` վկայակոչելով Իգոր Կրուտոյի ակադեմիայի մամուլի ծառայությանը:
«Օրժակին տեղափոխել են հիվանդանոց: Այժմ նա գտնվում է բժիշկների հսկողության տակ»,- հայտնում է աղբյուրը: Բժիշկները երեխային հանգիստ են խորհուրդ տվել և նշել են, որ նա դեռ կմնա հիվանդանոցում:
Հիշեցնենք, որ Մանկական Եվրատեսիլ 2019 երգի միջազգային մրցույթը տեղի կունենա նոյեմբերի 24-ին` Լեհաստանի Գլիվիցե քաղաքում։ Մրցույթին կմասնակցի 19 երկիր, այդ թվում` Հայաստանը: Մեր երկիրը կներկայացնի Կարինա Իգնատյանը: