Եվս մի նախագահ Պուտինի հետ հանդիպմանը ներկայացել է ՌԴ նախագահի հետ նմանատիպ հանդերձանքով (տեսանյութ)
Եգիպտոսի նախագահ Աբդել Ֆաթթահ Աս-Սիսին ՌԴ նախագահ Վլադիմիր Պուտինի հետ այսօրվա հանդիպմանը ներկայացել է նմանատիպ կոստյումով, ինչ Պուտինն է կրել: Նախագահների հանդիպման տեսանյութը հրապարակել է «Кремлевский пул РИА» թվիթերյան էջը:
Տեսանյութում երևում է, որ երկու երկրների ղեկավարներն էլ կրում են սև պիջակներ, սպիտակ վերնաշապիկներ և գինեգույն փողկապներ: Պուտինը նույնիսկ ձեռքի ժեստով ցույց է տվել, որ իրենց կոստյումները նման են իրար, որից հետո նախագահները ծիծաղել են:
«Երեկվա հանդիպմանն Էրդողանի հետ հանդերձանքի համընկնումից հետո, այսօր Պուտինի փողկապը համընկավ Աս-Սիսիի փողկապի հետ: Զուգադիպությո՞ւն է: Չենք կարծում»,- վերնագրված է տեսանյութը թվիթերյան էջում:
Հիշեցնենք, որ «Кремлевский пул РИА» թվիթերյան էջը վարող լրագրողները երեկ էլ նկատել էին, որ Սոչիում հանդիպող ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի կոստյումները նմանատիպ են: Թվիթերյան էջում նրանք նշել էին, որ նախագահների ընտրությունը համընկել է կոստյումի, վերնաշապիկի և փողկապի գույնի հարցում:
У лидеров России и Турции уже достаточно давно взгляды близки или совпадают. Сегодня они совпали и при выборе цвета костюма, рубашки и галстука pic.twitter.com/hTPoEdCdqT
— Кремлевский пул РИА (@Kremlinpool_RIA) October 22, 2019