Թաիլանդի թագավորն իր կնոջը զրկել է բոլոր տիտղոսերից մեծ հավակնություններ ունենալու պատճառով
Թաիլանդի թագավոր Մահա Վաջիրալոնգկորնն իր 34-ամյա կնոջը զրկել է բոլոր տիտղոսներից թագուհու մակարդակին համապատասխանելու ձգտման համար:
Այս մասին հայտնում է Корреспондент-ը՝ նշելով, որ 67-ամյա միապետը 34-ամյա Սինինատին առանձացրել էր բոլոր կանանցից՝ նրան տալով իշխող արքայի կնոջ տիտղոսը՝ առանց թագուհու տիտղոսի: Սինինատը դարձել էր առաջին կինը 1921-ից ի վեր, որն արժանացել է նման կոչման:
Այժմ նա զրկվել է բոլոր տիտղոսներից և ռազմական արտոնություններից: Դրանից երկու ամիս առաջ թագավորն ամուսնացել էր իր պահակախմբի ղեկավարուհու՝ Սութհիդե Թիջայի հետ, որն էլ ստացել է թագուհու պաշտոնական կարգավիճակը: Նա դարձել է 67 տարեկան միապետի 4-րդ կինը: