Մեդվեդևը միջազգային ներդրողների կողմից Ռուսաստանի հանդեպ հետաքրքրության նվազում չի տեսնում
Միջազգային ներդրողների կողմից Ռուսաստանի հանդեպ հետաքրքրությունը չի դադարել նույնիսկ արևմտյան երկրների կողմից պատժամիջոցների սահմանումից հետո, գրում է РИА Новости-ն` հղում անելով ՌԴ կառավարության ղեկավար Դմիտրի Մեդվեդևի հայտարարությանը:
«Այս տարիների ընթացքում եղել են ռուսական շուկան լքելու դեպքեր, կյանք է, յուրաքանչյուրն իր պատճառներն ունի, սակայն, ընդհանուր առմամբ, Ռուսաստանի հանդեպ հետաքրքրության նվազում տեղի չի ունեցել: Հակառակը` նույնիսկ պատժամիջոցների սահմանումից հետո ներդրումները շարունակել են աճել»,- ասել է Դմիտրի Մեդվեդևը Միջազգային ներդրումների հարցով խորհրդակցական մարմնի նիստի ժամանակ:
Միջազգային ներդրումների հարցով խորհրդակցական մարմինը ձևավորվել է 1994 թվականի սեպտեմբերի 29-ին, ՌԴ կառավարության որոշման հիման վրա: Խորհրդակցական մարմինը մշտապես գործող կառույց է և միջազգային կազմակերպությունների ու ներդրողների համար առաջարկներ է ուսումնասիրում և պատրաստում: