1USD = AMD
1EUR = AMD
1RUB = AMD
Այսօր՝ 19 նոյեմբերի 2019թ., 00:00
Քաղաքականությունը եւ INSTRAGAM-ի գեղեցկուհի մոդելները (տեսանյութ) «Իմ քայլը» Վանեցյանին նշանակեց 9:1 հաշվով կրած պարտության թիվ մեկ մեղավոր ՀՀ երկրորդ նախագահ Ռոբերտ Քոչարյանի աջակից Սարգիս Օհանջանյանը կալանավայրից նամակ է հղել Պոզները Ներկայացուցիչների պալատում Հայոց ցեղասպանության ճանաչման մասին. տվեցին Թուրքիայի քթին, ու հերիք է Իրավապահներն իմ հանդեպ արդեն 2-րդ անգամ իրականացնում են կամայական գործողություններ. Գործարարի բաց նամակը՝ Փաշինյանին Թեհրանում ցուցարարները շրջափակել և սառը զենքով սպանել են 3 իրավապահի. լրատվամիջոցներ ԱԱԾ-ն կալանավորել է Ոստիկանության Թումանյանի բաժնի պետին Դատարանը կրկին մերժեց Մանվել Գրիգորյանի խափանման միջոց կալանքը գրավով փոխարինելու միջնորդությունը «Մեկ կին հաշմանդամն էլ կարող է ունենալ». Խաբիբ Նուրմագոմեդովի հայրը ցանկանում է երկրորդ անգամ ամուսնանալ Լիբանանում ցուցարարները փակում են խորհրդարան տանող մուտքերը Թատրոնի մասնակցելու ժամանակ չունեմ․ Ինչո՞ւ փաստաբանը լքեց դատարանի դահլիճը Արտակարգ դեպք Երեւանում. բժիշկներին հաջողվել է փրկել տան 7 անդամների կյանքը. Նրանց թվում է մեկ տարեկան երեխա Այս արարողությանը կարելի է ասել ամեն ինչ, բացի դատական նիստից․ Հայկ Ալումյան Նախատեսվում է Հայաստանում մինչեւ 2024 թվականը կառուցել մինչեւ 400 ՄՎտ հզորությամբ արեւային էլեկտրակայաններ. փոխնախարար «Այդ լուծման հիմքում փոխզիջումն է». Զատուլինը Պոզներին ներկայացրել է Ղարաբաղյան հիմնախնդրի լուծման իր բանաձևը (տեսանյութ) «Մանկական Եվրատեսիլ 2019»-ին Հայաստանի պատվիրակը ելույթ կունենա 15-րդ համարի ներքո ԿԳՄՍ նախարարը «արկղերով քրգործերի» հարցով ՀՔԾ կամ Դատախազություն չի դիմել. ՀՅԴ ՀԵՄ ԱԱԾ-ն ձերբակալել է Ոստիկանության Թումանյանի բաժնի պետին Նուբարաշենի հոգեբուժարանի հատուկ բաժանմունքում 50-ից ավելի հիվանդներ հացադուլ են հայտարարել Նեթանյահուն հեռախոսազրույց է ունեցել Թրամփի հետ Էներգետիկայի վերաբերյալ ամերիկյան ծրագիրը Հայաստանի իշխանությունների սրտով չէ «Թրամփն անձամբ է կարգադրել սառեցնել Ուկրաինային օգնության տրամադրումը». Պոմպեոյի տեղակալ ինչպիսին է վրացիների վերաբերմունքն Ադրբեջանի նկատմամբ Անգամ եթե հունվարի 1-ից գազի գինը փոխվի, դա հայ սպառողի վրա չի անդրադառնա. փոխնախարար Պետական պաշտոնյան շանը կապել է ավտոմեքենայից և քարշ տվել մոտ մեկուկես կիլոմետր (տեսանյութ) Մանվել Գրիգորյանի առողջական վիճակը վատացավ. դատարանն ընդմիջում հայտարարեց Վերականգնվող էներգետիկիայի զարգացումը կարեւոր է գազային կախվածությունը նվազեցնելու համար. ՀԾԿՀ նախագահ IRI հարցում. Վրաստանի նախագահի բացասական վարկանիշը 70 տոկոս է ՔԿ–ն շտապել է և որոշել, որ Տրդատ Սարգսյանը փոխգնդապետ Արա Մխիթարյանի ծեծի հետ առնչություն չունի. նախաքննությունը դեռ շարունակվում է Ես թագավոր, վարչապետ, կաթողիկոս հարգող մարդ եմ (տեսանյութ) Բաքվում ցուցարարները կրկին հավաքվել են «Մայիսի 28» մետրոկայարանի մոտ. նրանց է մոտեցել Ալիևը (տեսանյութ) Նախարարն իր վրա արդեն վերցրել է նաև արդարադատության նախարարի ֆունկցիան, երևի շուտով արդարադատությունն էլ միացնեն ԿԳՄՍՆ-ին. ԵՊՀ դասախոս Թուրքական լրատվամիջոցը հեռացրել է Ցեղասպանությունը ժխտող հոդվածը. լրագրողը ազատվել է աշխատանքից «Հայրենիք» կինոթատրոնի հարակից էստակադայի արդյունավետությունը մասնագետները կասկածի տակ են դրել Սպիտակ տան գլխավոր բժիշկը՝ հոսպիտալում Թրամփի բուժզննման մասին Ընթանում է Քոչարյանի պաշտպանների՝ դատախազ Պ. Պետրոսյանին ներկայացրած բացարկի միջնորդության քննությունը. ուղիղ Կառավարության գերխնդիրը ոչ թե կրթական մակարդակի բարձրացումն է, այլ հայոց լեզվից եւ հայոց պատմությունից ազատվելը Հիվանդանոցից փախուստի դիմած դատապարտյալը գաղութում հայտնի է «Մաուգլի» մականվամբ. Ինչպես են ընթանում որոնումները ՀՀ պատվիրակները Մադրիդում քննարկել են ՀՀ-ԵՄ վիզաների ազատականացման մեկնարկի հեռանկարները Վաշինգտոնի Ամերիկյան պատմության ազգային թանգարանում պատրաստվեց հայկական լավաշ Շիրակի գյուղական բնակավայրերում բնակվող անօթևան ընտանիքներին բնակարանի գնման վկայագրեր կտրամադրվեն Նոյեմբերի 21-22-ը Լոռիում, Տավուշում, Սյունիքում և Արցախում սպասվում է ձյուն Նաիրա Զոհրաբյանը Բրիջիդ Բարդոյի կենտրոնից նամակ է ստացել Գլուխ արդուկելու կամ գլխառադ անելու ֆորմուլան Ներկայացվել է «Նվազագույն ծախսերով Հայաստանի էներգահամակարգի զարգացման 2020-2036 թվականների պլանը» Ռոբերտ Քոչարյանի աջակիցները բողոքի ակցիա են իրականացնում Շենգավիթի դատարանի դիմաց (ուղիղ) Կան մարդիկ, որոնք մոլի «նիկոլական» չեն եւ միաժամանակ «նախկինների» վերադարձը չեն փափագում Արայի՛կ, հեռացի՛ր Պարոնը թող կողմնորոշվի՝ քաղաքական պաշտոնյա՞ է, թե՞ ոստիկան․ Վահագն Վարագյան Ցանցառապետության կյանքից. դրվագ 19 Քննադատությանը պատասխանելու ամենահեշտ ձեւն է «իսկ դու՞ ով ես, որ քննադատես»-ը. Ռուբեն Մելիքյան Ինչ էլ լինի, ճանապարհը չենք բացելու. մանրամասներ՝ Ջերմուկ և Գնդեվազ համայնքների բնակիչների հետ փակ հանդիպումից 9:1 հաշվով պարտությունից հետո Նիկոլ Փաշինյանը 28 հոգանոց պատվիրակությամբ մեկնում է Իտալիա Չի կարելի 4 հսկա ոլորտի ղեկավարումը հանձնել մի մարդու, ով բուհական օրենքի ու դասավանդման որակի մասին խոսելիս սահուն անցնում է դեմագոգիայի Վիճա­կը ոչ թե անմ­խի­թա­րա­կան է, այլ իս­կա­պես ան­նա­խա­դեպ Վոյաժներից աչք չբացող նախագահը չի կատարում պարտականությունը Միֆերի ապամոնտաժումը Թուրքական լոլիկ, վարունգ, կարտոֆիլ՝ հայկական շուկայում ԱՄՆ-ն ըմբռնումով է մոտենում ՀՀ և Իրանի համագործակցությանը. դեսպան Ինչո՞ւ է կախվել «Արմավիր» ՔԿՀ-ի կալանավորը․ նա դեպքից առաջ հանդիպել է հարազատներին Ի՞նչ է հայտարարագրել Արմավիրի փոխմարզպետը Թբիլիսիում ոստիկանությունը ցրեց ցուցարարներին, կան տասնյակ ձերբակալվածներ Մոսկվայի օդանավակայաններում հետաձգվել և չեղարկվել է 45 չվերթ Վենետիկի հանձնաժողովի առաջարկն անտեսվեց․ Կոռուպցիայի կանխարգելման հանձնաժողովի ընտրության հետքերով ԱԺ-ն հավանություն տվեց Հայաստանում նվազագույն աշխատավարձի բարձրացման օրենսդրական նախաձեռնությանը «Վերնատան»-ը նախկին եւ ապագա իշխանության ներկայացուցիչներն էին. Անդրանիկ Թեւանյան Մտել են մանկատուն եւ երեխաներին ջոկել. Մանրամասներ ԱԱԾ-ի հայտարարած սկանդալային դեպքից Ռոբերտ Քոչարյանը «մատաղ» է այսօրվա հեղափոխությանը․ Սևակ Թորոսյան (տեսանյութ) «Նիկոլի միֆերը ջարդվում են». Էդուարդ Շարմազանով ՀՀ արտաքին քաղաքականության վերաբերյալ որոշ ակնկալիքներ, որ կային հեղափոխությունից հետո, չեն արդարացել ՀՅԴ-ն պատրաստվում է «շախ եւ մատ» անել Եվրո-2020․ Օրվա հանդիպումները Ինչու է աշունն այսքան թախծոտ Հայաստանում. Նիկոլ Փաշինյան Ազգային ինքնությունը պետության հավելյալ պաշտպանության կարիքը ունի Կոռուպցիայի կանխարգելման հանձնաժողովի ձեւավորման ողջ գործընթացը կարելի է համարել ձախողված Թե ինչպես պահպանողական բյուջեն մի քանի օրում դարձավ «հեղափոխական». Փաշինյանը որոշեց հեռվից գալ Պատգամավորները նախկինի պես «հանցավոր համաձայնության» են գալիս. Փաշինյանը գուցե ներքուստ գոհ մնաց «Իմ քայլի» և «Լուսավոր Հայաստանի» միջեւ նոր «սագա» է հասունանում. դժգոհ են Փաշինյանի «անշնորհակալ» կեցվածքից «Քրեական աշխարհն» անհանգստացած է. կլինի լուրջ «սխոդկա». Կլինեն ռուս, վրացի, եզդի «օրենքով գողեր» Իշխանության ներսում լուրջ տագնապ կա
Հարցում

Վարչապետի խոստացած 62 մլրդ դրամի գերակատարումն այլևս այդպիսին չէ

168.am-ը գրում է․ «Ինչպես և սպասվում էր, երրորդ եռամսյակի հարկային եկամուտների պլանը թերակատարվել է։ Իհարկե, ավելի քիչ չափով, քան ակնկալվում էր։

Կանխատեսվում էր , որ թերակատարումը կկազմի 20-25 մլրդ դրամ, բայց կազմել է 10 միլիարդ։ Դրա հետևանքով առաջին կիսամյակում արձանագրված 63 մլրդ դրամի գերակատարումն ինն ամիսների արդյունքներով այլևս 52,9 միլիարդ է։

Սա նշանակում է, որ Նիկոլ Փաշինյանի խոստացած հարկային մուտքերի գերակատարման ցուցանիշը ևս այնպիսին չէ, ինչպիսին էր առաջին կիսամյակում։ Այն առնվազն 9 միլիարդով պակաս է, քան տարեսկզբին խոստացել էր վարչապետը։

Պետեկամուտների կոմիտեն հույս ունի, որ տարվա վերջին երեք ամիսներին կհաջողվի վերականգնել այդ կորուստը և խոստացված 62 միլիարդի գերակատարումն ամբողջությամբ կապահովվի։ Չնայած դեռ հարց է, դա գերակատարո՞ւմ է, թե՞ պարզապես պլանի ճշգրտում։

Հայտնի է, որ միշտ էլ կառավարությունը նման ճշգրտումներ անում է բյուջեի մուտքերում և ծախսերում։ Բայց այս տարի որոշվեց այդ ճշգրտման անունը փոխել և դնել գերակատարում։

Իհարկե, դրա համար կառավարությունը պատճառներ ուներ։ Նախ՝ անցած տարի այդ ճշգրտումների հետևանքով բյուջեի հարկային մուտքերը, անգամ մեծ ճիգերից հետո, թերակատարվեցին, և երկրորդ` ի վերջո հասարակությանը պիտի տեսնի, թե ինչքան լավ է աշխատում կառավարությունը։ Այլ բան է, երբ ասվում է՝ բյուջեի ճշգրտված պլանի կատարում, այլ բան, երբ ասվում է՝ բյուջեի գերակատարում։ Զգացողությունները բոլորովին տարբեր են։ Թեև գործ ունենք միևնույն երևույթի հետ։

Անցած տարվա անհաջող զարգացումներից հետո այս տարի կառավարությունը նախընտրեց գնալ «գերակատարման» տարբերակով, չնայած Պետեկամուտների կոմիտեի նախագահը սկսել է երբեմն-երբեմն հնչեցնել ճշգրտված պլան արտահայտությունը։ Այնպես, ինչպես նախկինում էր, երբ ի սկզբանե նախատեսվածի համեմատ՝ բյուջեի եկամուտներն ավելացվում էին, բայց դրանց ոչ թե գերակատարում էին անվանում, այլ պարզապես՝ բյուջեի ճշգրտում։

Բյուջեի հարկային եկամուտների ճշգրտումներն այս տարի կկազմեն 62 մլրդ դրամ։ Սա Նիկոլ Փաշինյանի խոստացած գերակատարումն է, որը, ըստ ՊԵԿ նախագահի՝ ստացվել է որոշակի հաշվարկների հիման վրա։

Բայց հաջորդ տարի այլևս նման գումար չի լինի։ Դավիթ Անանյանի կարծիքով՝ վարչարարությամբ անընդհատ հնարավոր չէ նման ցուցանիշներ ունենալ։

«Այս տարի 62 մլրդ դրամ հարկային եկամուտների գերակատարման տակ կային որոշակի գնահատականներ, նաև կար հետհեղափոխական շրջանում հարկ վճարողների վարքագծի փոփոխման ակնկալիք։ Ամեն տարի նման վարքագիծ ապահովելը դժվար է։ Եթե մարդը որոշել է, որ պետք է կանգնի ճիշտ ճանապարհի, մեկ անգամ է դա անում, այնպես չի, որ ամեն տարի պետք է ճիշտ ճանապարհի կանգնի։ Հետևաբար՝ հետհեղափոխական շրջանում ստվերից բերված հարկերի ծավալները հետագա տարիներին չեն կարող ապահովվել։ Շատ կարևոր է, որ տնտեսությունն աճի։ Մենք հիմքում դրել ենք, որ 2020թ. կունենանք 7 տրիլիոն դրամի ՀՆԱ։ Եթե դա ունենանք, ապա կարծում եմ՝ կունենանք այն հարկային եկամուտները, որը կանխատեսել ենք։ Տնտեսությունը պետք է աճի, որ հարկեր գեներացնի»,- խոսելով 2020թ. պլանավորված հարկային եկամուտների մասին` ասում է ՊԵԿ նախագահ Դավիթ Անանյանը։

Անշուշտ, հարկերի հավաքման գործում առաջնայինը տնտեսությունն է ու տնտեսական աճը։ Եթե տնտեսությունը չզարգանա, անհնար է առաջընթաց ապահովել հարկերի գծով։ Բայց այնպես չէ, որ դա է հարկերն ավելացնելու միակ տարբերակը։

Հայաստանում ստվերային տնտեսությունը մեծ ծավալների է հասնում` նույնիսկ հարկային մուտքերի հետհեղափոխական գերակատարումներից հետո։ Ճիշտ է, այս տարի սպասվում է, որ համախառն ներքին արդյունքի մեջ հարկերի տեսակարար կշիռը որոշակի բարելավում կունենա, բայց դա չի նշանակում, թե այն ավելացնելու պոտենցիալ այլևս չկա։

Համախառն ներքին արդյունքի նկատմամբ հարկերի հարաբերակցությունը Հայաստանում ցածր է։ Այն տատանվում է հիմնականում 21-22 տոկոսի սահմաններում։ Իսկ դա նշանակում է, որ դեռևս ստվերային բավական շատ եկամուտներ են պտտվում տնտեսության մեջ։

Պաշտոնապես հայտարարվող ստվերը կամ, այսպես ասած, չհաշվառվող տնտեսությունը, Վիճակագրության կոմիտեի դիտարկումներով՝ կազմում է 22 տոկոսը։ Դրա ոչ ամբողջ մասն է համարվում ստվերային տնտեսություն, բայց գրեթե կեսն այդպիսին է։ Ու այդ կեսը` անգամ, եթե ընդունենք, որ այդպես է, լուրջ հարկային մուտքեր է թաքցնում։ Այն հայտնաբերել ու պետական բյուջե բերելը Պետեկամուտների կոմիտեի խնդիրն է։

Բայց ինչ է մտադիր հաջորդ տարի անել ՊԵԿ-ը։ Ստվերային այդքան մեծ տնտեսության պայմաններում ակնկալվում է ՀՆԱ-հարկեր ցուցանիշը բարելավել ընդամենը 0,3 տոկոսով, և այս տարի կանխատեսվող 22,3 տոկոսից հասցնել 22,6 տոկոսի։ Պատահական չէ, որ հաջորդ տարվա համար հարկային եկամուտների սպասումներն անհամեմատ ցածր են։ Այս տարի կանխատեսվող հավելյալ 206 մլրդ դրամի դիմաց` հաջորդ տարվա սպասելիքներն ընդամենը 138 միլիարդ են։

Հարկեր-ՀՆԱ ցուցանիշի 0,3 տոկոս կանխատեսվող բարելավումը նույն ցուցանիշն է, որը նախկին իշխանությունները միշտ էլ թիրախային են համարել։ Այս առումով, ըստ էության, փոփոխություններ չեն ակնկալվում։ Ստացվում է, որ կառավարությունը պատրաստվում է շարունակել նրանց, ում ժամանակին մեղադրում էր ստվերային լուրջ տնտեսություն ձևավորելու մեջ։

Այնպես չէ, որ հայտարարվող գերակատարման պայմաններում ստվերը Հայաստանում այդքան շատ է կրճատվել։ Փաստն այն է, որ հարկային հավելյալ մուտքերի զգալի մասը գեներացվել են տրանսպորտային միջոցների ներմուծման հաշվին։ Դրանց քանակն արդեն իսկ 63 հազարով ավելի է նախորդ տարվա նույն ժամանակահատվածից։ Իսկ դա նշանակում է, որ այստեղից բավական մեծ քականությամբ մուտքեր են ավելացել։

Տրանսպորտային միջոցների ներմուծումից արդեն իսկ ստացվել է 51 մլրդ դրամի եկամուտ։ Այն 27 միլիարդով կամ ավելի քան կիսով չափ ավելի է նախորդ տարվանից։

Դեռ մինչև տարեվերջ ժամանակ կա, ու պարզ է, որ այս ցուցանիշն ավելանալու է։ Ու չի բացառվում, որ միայն այդ մի գործոնի հաշվին ապահովվի վարչապետի խոստացած 62 մլրդ դրամի կեսից ավելին։ Հաջորդ տարի այդ գործոնն այլևս չի լինելու, ու նման գերակատարումներ, ինչպես ասում է ՊԵԿ նախագահը, չպետք է ակնկալել»։

website by Sargssyan