Թրամփը հայտարարել է, որ աշխատում է կոնգրեսականների հետ Թուրքիայի դեմ պատժամիջոցներ սահմանելու ուղղությամբ
ԱՄՆ նախագահ Դոնալդ Թրամփը հայտարարել է Թուրքիայի դեմ պատժամիջոցներ սահմանելու պատրաստակամության մասին՝ պայմանավորված Սիրիայում ԱՄՆ դաշնակից քրդական զորամիավորումների դեմ Անկարայի նախաձեռնած ռազմարշավով:
«Ես աշխատում եմ սենատոր Լինդսի Գրեհեմի և Կոնգրեսի շատ անդամների հետ, այդ թվում և դեմոկրատների՝ կապված Թուրքիայի նկատմամբ հզոր պատժամիջոցներ սահմանելու հետ: Ֆինանսների նախարարությունը պատրաստ է սկսել, կարող է՝ հավելյալ օրենք անհրաժեշտ լինի: Այս հարցի շուրջ հոյակապ համաձայնություն կա: Թուրքիան խնդրել է չանել դա: Սպասեք»,- գրել է Թրամփը Twiter-ում:
РИА Новости-ի փոխանցմամբ՝ ֆինանսների նախարար Սթիվեն Մնուչինը նույնպես հայտնել է, որ նախարարությունը պատրաստ է «անհապաղ» պատժամիջոցներ սահմանել անհրաժեշտության դեպքում: