Պուտինին ուղղված շնորհավորանքը հայտնվել է հոլիվուդյան երկնքում
ԱՄՆ-ի Լոս Անջելես քաղաքի բնակիչները համացանցում ակտիվորեն տարածում են լուսանկարներ և տեսանյութեր, որոնցում երևում է, թե ինչպես է անհայտ անձն ինքնաթիռով պտույտներ կատարում հոլիվուդյան երկնքում` գրելով VVP67 հեշթեգը, որը, շատերի կարծիքով, Ռուսաստանի Դաշնության նախագահ Վլադիմիր Պուտինին ուղղված շնորհավորանք է: Այս մասին հայտնում է «Известия»-ն:
Հիշեցնենք, որ հոկտեմբերի 7-ին Վլադիմիր Պուտինը նշել է ծննդյան 67-րդ ամյակը: Երկնքում հայտնված «գրությունը», ըստ հրապարակումների, հենց այդ մասին է: Ավելի վաղ նշվել էր, որ ՌԴ նախագահն իր տարեդարձը նշել է բնության գրկում` մտերիմների ու հարազատների ընկերակցությամբ:
Տեսանյութը կարող եք դիտել այստեղ: