Բոսնիա և Հերցեգովինայի հետ խաղում Մխիթարյանի գոլերից մեկն ՈՒԵՖԱ-ի լավագույն տասնյակում է
Հայաստանի հավաքականի կիսապաշտպան Հենրիխ Մխիթարյանը, որը վերջերս համալրել է իտալական «Ռոմայի» շարքերը, փայլել է Բոսնիա և Հերցեգովինայի հետ խաղում։ Դա նկատել են ոչ միայն երկրպագուները, այլև ՈՒԵՖԱ-ն։
Եվրոպական ֆուտբոլային ասոցիացիաների միությունը (ՈՒԵՖԱ) Instagram-ում EURO-2020 պաշտոնական էջում հրապարակել է Եվրոպայի առաջնության որակավորման 5-6 փուլերի գոլերի լավագույն տասնյակը։
Այդ շարքում է հայտնվել նաև Հայաստանի հավաքականի ավագ Հենրիխ Մխիթարյանի երկրորդ գոլը, որը նա խփել է Բոսնիա ու Հերցեգովինայի հետ խաղում։
Հիշեցնենք՝ Եվրոպայի 2020 թվականի առաջնության ընտրական J խմբում Հայաստանի հավաքականը սեփական հարկի տակ 4:2 հաշվով տպավորիչ ու դժվարին հաղթանակ տարավ Բոսնիա և Հերցեգովինայի հավաքականի նկատմամբ: