Անօդաչուների հարձակումից հետո նավթի արդյունահանումը Սաուդյան Արաբիայում կրկնակի կրճատվել է
Սաուդյան Արաբիայում Saudi Aramco պետական նավթային ընկերության երկու գործարաների նկատմամբ անօդաչուների հարձակումից հետո կրկնակի կրճատվել են նավթի արդյունահանման ծավալները:
Ինչպես հաղորդում է Reuters գործակալությունը՝ հղում անելով իր աղբյուրներին, կատարվածից հետո թագավորության նավթ արդյունահանող խոշորագույն ընկերությունն ստիպված է եղել օրական 5 մլն բարելով կրճատել արդյունահանումը: Դա հավասարազոր է արդյունահանման օրական ծավալի կեսին: Բացի այդ, միջադեպն ազդել է նավթի արտահանման վրա:
Հայտնի է, որ 2018-ին նավթի արտադրությունը Սաուդյան թագավորությունում կազմել է օրական 10.5 մլն բարել, որից 7.4 մլն բարելն արտահանվել է:
Հիշեցնենք, որ այսօր ավելի վաղ Saudi Aramco-ի երկու գործարանները Աբքայք և Խուրայս հանքավայրերում անօդաչուների հարձակման են ենթարկվել, որից հետո հրդեհ էր բռնկվել: