«Մեր օրակարգում է Եփրատ գետի արևելքում ռազմական գործողություն իրականացնելու հարցը». էրդողան
Թուրքիայի նախագահ Ռեջեփ Թայիփ Էրդողանը սեպտեմբերի 1-ին Քոնիայում ելույթի ժամանակ հայտարարել է, որ Թուրքիայի նկատմամբ սադրանքներն այս օրերին աճում են, և որ իրենք լուրջ հարվածներ են ստացել այն բանի համար, որ ուշացրել են «Եփրատի վահան» և «Ձիթենու ճյուղ» գործողությունների իրականացումը: Էրդողանը հայտարարել է, որ օրակարգում է Եփրատի արևելքում գործողություն իրականացնելու հարցը, գրում է aa.com.tr-ը:
Էրդողանը նշել է, որ թե՛ Սիրիայում, թե՛ Իրաքում Թուրքիայի ռազմական ներկայությունն ավելացնելու նպատակն է թուլացնել Քրդական բանվորական կուսակցությունը (PKK)՝ հավելելով, որ այդ նպատակի համար ակտիվորեն կիրառվում են անօդաչու թռչող սարքեր:
Իր ելույթում Էրդողանն ինքնիշխան Իրաքում և Սիրիայում ռազմական գործողություններ իրականացնելու հանգամանքն արդարացրել է՝ դա որակելով որպես «ահաբեկչության դեմ պայքար»: