Մանկասայլակներով երթ՝ ընդդեմ Ամուլսարի շահագործմանը
Մի խումբ մայրեր իրենց երեխաների հետ Կասկադում մանկասայլակներով ակցիա են իրականացնում «Ո՛չ Ամուլսարի շահագործմանը»։Ակցիային մասնակից մայրերից մեկը՝ Լուսինե Ղարիբյանը նշեց, որ ակցիայի նպատակը Ամուլսարի խնդիրը ավելի լսելի դարձնելն է։ «Աշխարհը միակն է և մենք պետք է ամեն ինչ անենք, որ մեր երեխաների փոխանցենք մաքուր և ապահով Հայաստան»,-ասաց նա։ Նրանք տեղեկացրին, որ քաղաքի տարբեր մասերում լինելու են նմանատիպ ակցիաներ, որոնց մասնակիցները երթով գալու են դեպի Բաղրամյան 26։ Նշենք նաև, որ այսօր ժամը 7-ից ջերմուկցիները շուրջ 50 ամտոմեքենաներով շարժվում են Երևան՝ մասնակցելու վարչապետի հետ հանդիպմանը։ Բաղրամյան 26-ում վարչապետ Նիկոլ Փաշինյանն Ամուլսարի հարցով հանդիպման է հրավիրել բնապահպանների, Ջերմուկ համայնքի ավագանու անդամներին, դպրոցների տնօրենների և Ամուլսարի պահապաններին։ Մինչ սահմանափակ թվով մարդիկ ներսում կմասնակցեն քննարկմանը, մյուսները հավաքվելու ենք դրսում: