Թրամփը հաստատել է Գրենլանդիան ձեռք բերելու հետ կապված հետաքրքրությունը
ԱՄՆ նախագահ Դոնալդ Թրամփը հայտարարել է, որ հետաքրքրվել է Գրենլանդիան Դանիայից գնելով։ Համապատասխան հայտարարությամբ նա հանդես է եկել օգոստոսի 18-ին, Նյու Ջերսի նահանգում մամուլի ասուլիսի ժամանակ, փոխանցում է ՏԱՍՍ-ը։
«Մենք խոսել ենք այդ մասին։ Այն, ըստ էության, Դանիային է պատկանում։ Մենք պաշտպանում ենք Դանիան, ինչպես նաև աշխարհի զգալի հատվածը»,-ընդգծել է ԱՄՆ-ի նախագահը։
Նա նշել է, որ Գրենլանդիան ձեռք բերելու հարցը առաջնահերթ չէ։
«Գաղափարը հիշատակվել է, և ես ասացի, որ, իհարկե, ռազմավարական տեսանկյունից դա հետաքրքիր է կլիներ։ Մեզ դա հետաքրքիր էր»,-ասել է ԱՄՆ նախագահը։
Թրամփը վստահություն է հայտնել, որ Գրենլանդիայի պաըճառով Դանիան տարեկան շուրջ 700 մլն դոլար է կորցնում։