Նոր կանոններ Էվերեստը բարձրանալ ցանկացողների համար
Նեպալի իշխանությունները նոր կանոններ են սահմանել Էվերեստը բարձրանալ ցանկացողների համար: Գագաթը հաղթահարելու հավակնություններ ունեցող լեռնագնացները նախ պետք է ապացուցեն, որ հմուտ են: Այս մասին հայտնել է BBC-ն:
Դիմողները մինչ այդ պետք է արդեն բարձրացած լինեն Նեպալի գագաթներից մեկը, որն ունի առնվազն 6500 մետր բարձրություն: Լեռնագնացները Էվերեստը բարձրանալու համար նաև պետք է ներկայացնեն ֆիզիկական պատրաստվածության սերտիֆիկատ և աշխատեն փորձառու էքսկուրսավարների հետ:
Բացի այդ, նրանք նաև պետք է վճարեն 35 հազար դոլար՝ նախկին 11 հազարի փոխարեն:
Նեպալում են աշխարհի 14 ամենաբարձր լեռները:
Նեպալի կառավարությունը այս սեզոնին արդեն ռեկորդային՝ 381 թույլտվություն է տվել: