Երբ ընտրություններն ավելորդություն են դառնում
Մայրաքաղաքի ավագանու ընտրությունները յուրաքանչյուր նորմալ եւ նույնիսկ կիսանորմալ երկրում կարեւոր քաղաքական իրադարձություն են: Քաղաքական ուժերը մայրաքաղաքի ընտրություններում փորձում են հաղթել, միաժամանակ իրենց ուժերն են փորձարկում համապետական ընտրություններից առաջ:
Ստացվում է, որ Հայաստանը ոչ նորմալ, եւ ոչ էլ կիսանորմալ երկիր է: Քաղաքապետի ընտրությունների նկատմամբ որեւէ հետաքրքրություն չկա ոչ քաղաքական ուժերի, ոչ էլ ժողովրդի կողմից: Եւ ինչպես ունենան ապրիլի 2-ի խայտառակությունից հետո: Հիմա շատ դժվար է մարդուն համոզել, որ իր քվեն կարեւոր է:
Ապրիլի 2-ին ոչ միայն քաղաքական ուժերը, այլ նաեւ հասարակ մարդը համոզվեց, որ Հայաստանում ընտրություն, որպես այդպիսին տեղի չի ունենում, հակառակ նրա, որ հիմա Ելք-ն ու ՀՀԿ-ն անդադար շեշտում եւ կրկնում են, թե խորհրդարանը ձեւավորվել է մարդկանց կամարտահայտության միջոցով:
Փաստորեն, մենք վերադարձանք խորհրդային ժամանակներ, երբ ընտրությունները ձեւականություն էին, բայց դրանց իբր մասնակցում էր ընտրողների 99.8 տոկոսը, որոնց 99.9 տոկոսը քվեարկում էին ՀՀԿ-ի, ներողություն ՀԿԿ-ի օգտին:
Top-News.am