Չերեպովեցում հարբած վարորդը փորձել է ուտել իր վարորդական իրավունքը
ՌԴ Չերեպովեց քաղաքում հարբած վարորդը փորձել է ուտել իր վարորդական իրավունքը: Դեպքը տեղի է ունեցել այն ժամանակ, երբ ոստիկանները նկատել են տղամարդու եւ կնոջ, որոնք ոտքի վրա հազիվ էին կանգնում, հաղորդում է Life-ը:
Mazda մակնիշի մեքենան կանգնեցրել են ավտոտեսուչներն ու վարորդին խնդրել ներկայացնել վարորդական իրավունքը: Ընդ որում, մեքենայից ալկոհոլի հոտ է եկել:
Ոստիկանության հաղորդմամբ՝ երբ ոստիկանության աշխատակիցը շրջվել է, վարորդը նախ փաստաթուղթը թաքցրել է գրպանում, ապա փորձել ուտել այն, սակայն հասկանալով, որ մտածվածը հաջողությամբ չի պսակվի, այն թաքցրել է ներքնաշորի մեջ:
Վարորդի նկատմամբ վարչական արձանագրություն է կազմվել: Մեքենան տարել են տուգանային հրապարակ: