Վրաստանում ձերբակալվել է Ադրբեջանի քաղաքացին, որը հետախուզվում էր Ինտերպոլի կողմից
Ախալցխա քաղաքում (Սամցխե-Ջավախեթի շրջան) Վրաստանի ՆԳՆ-ի աշխատակիցները ձերբակալել են Ադրբեջանի 30-ամյա քաղաքացուն, որը հետախուզվում էր Ինտերպոլի կողմից, հաղորդում է Նովոստի-Գրուզիա-ն՝ հղում կատարելով նախարարության մամուլի ծառայությանը։
Բաքվի հարցման հիման վրա տղամարդու նկատմամբ հայտարարվել էր հետախուզում 2015 թվականից։ Իր հայրենիքում նա մեղադրվում է կանխամտածված սպանության համար։
Ներկայումս ձեռնարկվել են մեղադրյալին Ադրբեջան հանձնելու ուղղությամբ անհրաժեշտ միջոցառումները։