Մերկելն՝ իր առողջական վիճակի մասին
Գերմանիայի կանցլեր Անգելա Մերկելը վստահեցրել է, որ իր առողջական վիճակը թույլ է տալիս կատարել կանցլերի պարտականությունները: Այս մասին նա հայտնել է Բեռլինում տեղի ունեցած մամուլի ասուլիսի ժամանակ:
«Դուք ինձ վաղուց գիտեք, ես կարող եմ կատարել իմ առջև դրված խնդիրները»,- ասել է Մերկելն ու հավելել, որ հասկանում է, թե ինչու են լրագրողներն անդրադառնում իր առողջական վիճակին:
Մերկելը նշել է, որ 2021-ի լրանում է իր լիազորությունների ժամկետը, հույս հայտնել, որ դրանից հետո իր կյանքն այլ կլինի:
Հիշեցնենք, որ այս ամսվա ընթացքում պաշտոնական հանդիպումների ժամանակ Մերկելը ցնցումների մեջ է ընկել և հայտնվել բոլորի ուշադրության կենտրոնում:
Բաժանորդագրվեք Top-News.am-ին Telegram-ում