Մարդկանց ամբոխը ծեծելով մահվան դուռն է հասցրել երեք երեխաներով մեքենան առեւանգողին
Միացյալ Նահանգների Ֆիլադելֆիա քաղաքում մարդկանց ամբոխը ծեծելով մահվան դուռն է հասցրել երեք երեխաներով մեքենան առեւանգողին։ Այս մասին հայտնում է CNN-ը։ Ըստ հաղորդման, 54-ամյա Էրիկ Հուդը առեւանգել է մեքենա, որի մեջ եղել են երեք երեխաներ, մինչ երեխաների մայրը եւ հայրը խանութում են գտնվել։ Երբ մեքենան հայտնվել է խցանման մեջ, մեքենայի տերերը կարողացել են հասնել նրան, դուրս հանել առեւանգողին մեքենայից։ Հուդը փորձել է փախչել հարվածելով երեխաների հորը, սակայն նրան կանգնեցրել է հավաքված ամբոխն ու դաժանաբար ծեծել։ Տեղի ոստիկանության ներկայացուցիչները հայտարարել են, որ իրավապահները ներկայումս ուսումնասիրում են տարածքում եղած տեսահսկման սարքերի տեսագրությունները, որպեսզի կարողանան պարզել, թե ովքեր են եղել Էրիկ Հուդի հանդեպ ինքնադատաստան տեսնողները։ Ոստիկանները նաեւ հայտարարել են, որ միջադեպի հետեւանքով երեխաները չեն տուժել։
Բաժանորդագրվեք Top-News.am-ին Telegram-ում