Պատգամավորներին «հակաբեղմնավորիչ» շոկոլադ են հյուրասիրել
Ազգային ժողովում այսօր ԱԺ նախագահի կարգադրությամբ ձեւավորված հասարակական հիմունքներով խորհրդակցական մարմնի եւ «Վերարտադրողական ու սեռական իրավունքի եվրոպական պառլամենտական ֆորում»-ի հետ համագործակցության շրջանակում տեղի է ունեցել «Հակաբեղմնավորիչների եվրոպական ատլասի»-ի ներկայացում: Քննարկմանը հրավիրված են եղել ԱԺ պատգամավորները և նշվել է, որ քննարկման թեման լինելու է սելեկտիվ աբորտների և ընդհանրապես կանանց առողջության հետ կապված խնդիրների մասին: Քննարկումից րոպեներ անց պարզ է դարձել, որ հիմնական թեման Ստամբուլյան կոնվենցիան է: Սկսել են կոնվենցիայի քարոզն անել, ցուցադրել են ֆիլմեր՝ նշելով, թե ինչ վատն են այն երկրները, որոնք չեն ընդունել այն: Նաև հույս են հայտնել, որ Հայաստանն անպայման կվավերացնի Ստամբուլյան կոնվենցիան:
ArmDaily.am-ի տեղեկություններով ժողովի վերջում Ազգային Ժողովի պատգամավորների սեղաններին դրված են եղել «Հակաբեղմնավորիչ» անունով շոկոլադներ։
Դրանք ունեցել են հակաբեղմնավորիչ միջոցների ձև՝ պահպանակների, ներարկիչի, դեղահաբերների և այլն։