Մոսկվայում կգերազանցվի 100-ամյա ջերմաստիճանային ռեկորդը
Մոսկվայում հունիսի 22-ին կարող է գերազանցվել 1917 թվականի ջերմաստիճանային ռեկորդը: Այս մասին հայտնում է Gazeta.ru-ն:
Օդերևութաբանները կանխատեսում են, որ ՌԴ մայրաքաղաքում կտիրի 32 աստիճան շոգ ջերմաստիճան՝ ըստ Ցելսիուսի: Շոգի նոր ալիքի բռնկման պատճառ է դարձել լայնածավալ հակացիկլոնը, որն արգելափակում է զով եղանակ բերող ցիկլոնների ներթափանցումը:
Հիշեցնենք, որ ավելի վաղ հաղորդվում էր, որ ՌԴ Հիդրոմետկայանի կայքում հրապարակված կանխատեսումների համաձայն՝ հունիսի 9-ին Մոսկվայում և Մոսկվայի մարզում օդի ջերմաստիճանը կհասնի 30-32 աստիճանի՝ ըստ Ցելսիուսի, ինչով պայմանավորված մասնագետները եղանակային վտանգի «նարնջագույն» մակարդակ էին հայտարարել: