Հայփոստի ծառայությունները մոտ 25 անգամ թանկ են բանկերի ծառայություններից. Գևորգ Պապոյանը՝ Յոլյանին
Այսօր՝ հունիսի 19-ին, Ազգային ժողովում շարունակվում է հերթական նիստը: Այժմ քննարկվում է 2018 թվականի պետական բյուջեի կատարման մասին տարեկան հաշվետվությունը:
«Իմ քայլը» խմբակցության պատգամավոր Գևորգ Պապոյանը նշեց, որ թոշակների վճարման Հայփոստի ծառայությունները մոտ 25 անգամ թանկ են բանկերի ծառայություններից: Դիմելով Վերահսկիչ պալատի նախագահին՝ պատգամավորը հետաքրքրվեց. «Ո՞րն է լինելու մեր պետական քաղաքականությունը այս առումով»: Նա նաև նշեց, թե Հայփոստի կողմից կենսաթոշակների վճարման ժամանակ պետբյուջեի միջոցների վատնում էր եղել. «Այդ պրոցեսը ի՞նչ ընթացքի մեջ է»:
Նրա խոսքով՝ Հայփոստում միջին օղակի աշխատողները ստանում են 55 հազար դրամ աշխատավարձ, իսկ բարձր օղակներում՝ մի քանի միլիոն. «Եվ քննությունների արդյունքում անընդհատ դուրս են նմում այդ 55 հազար դրամ աշխատավարձ ստացողները»: