Ադրբեջանի պաշտպանության նախարարին խաբել են. պարզվում է նա շատ դյուրահավատ է
«Հայերն իրենց քաղաքականությունը կառուցել են ֆուտբոլիստ Մխիթարյանի շուրջ: Ես, որպես ֆուտբոլից հեռու մարդ հետաքրքրվեցի, թե ով է Մխիթարյանը եւ ինձ ասացին, թե նա խաղաժամանակի ինսուն տոկոսն անցկացնում է պահեստայինների նստարանին»,- այս հայտարարության հեղինակն Ադրբեջանի պաշտպանության նախարար Զաքիր Հասանովն է:
«Նա մի խաղացող է, որը ջարդված գրոշ էլ չարժի: Եւ այստեղ գալ նա չէր պատրաստվում եւ նրա թիմն էլ այստեղ էլ պարտվեց»,- ասել է Հասանովը:
Ադրբեջանական մամուլը ցիտելով Հասանովին, հեգնանքով ավելացնում է, որ «ջարդված գրոշ չարժեցող Մխիթարյանին «Արսենալը» գնել է 30 միլիոն ֆունտով»:
Մենք եւս ավելացնենք, որ Հասանովին իր շրջապատը ոչ միայն Մխիթարյանի մասին է կեղծ տեղեկություն տալիս, այլ ռազմաճակատի գծում առկա իրական վիճակի եւ կողմերի միջեւ առկա ուժերի հարաբերակցության:
Top-News.am