Օմանի նեղուցում լցանավերի վրա հարձակվել է Իրանը. Պոմպեոն ապացույցներ ունի
Վաշինգտոնը կասկած չունի, որ Իրանը ներգրավված է Օմանի ծոցում երկու լցանավերի հետ տեղի ունեցած միջադեպի գործում: Ինչպես փոխանցում է ТАСС գործակալությունը, նման հայտարարությամբ հանդես է եկել ԱՄՆ պետքարտուղար Մայք Պոմպեոն՝ շեշտելով, որ Վաշինգտոնը մտադիր է ցույց տալ իր տիրապետության տակ առկա ապացույցը:
«Բացարձակապես ակնհայտ է, թե ինչ է այնտեղ տեղի ունեցել: Դրանք Իրանի կողմից իրականացված հարձակումներ էին: Ոչ մի կասկած չկա: Հետախուզական միությունը մեծ ծավալի տվյալներ և ապացույցներ ունի: Աշխարհը կտեսնի դրանց մեծ մասը», - հայտարարել է Պոմպեոն:
Պատասխանելով հարցին, թե ինչ միջոցներ է ձեռնարկելու Վաշինգտոնը Թեհրանի նկատմամբ, Պոմպեոն նշել է. «Իրանը պետք է հստակ հասկանա, որ մենք կշարունակենք գործողություններ ձեռնարկել, որպեսզի թույլ չտանք Իրանին իրեն այսպես պահել»: