Լոնդոնի կայարանում բանկոմատն անսարքության պատճառով թղթադրամներ է «դուրս թափել» (տեսանյութ)
Մեծ Բրիտանիայի մայրաքաղաք Լոնդոնի մետրոպոլիտենի «Բոնդ Սթրիթ» կայարանում բանկոմատը սկսել է 20 ֆունտ ստեռլինգ արժողությամբ թղթադրամներ «դուրս թափել», գրում է Metro հարթակը:
Բանն այն է, որ Bitcoin Technologies ընկերությանը պատկանող բանկոմատի աշխատանքում խափանում է տեղի ունեցել այն ժամանակ, երբ հաճախորդը մեծ ծավալի գումար կանխիկացնելու հրահանգ է տվել:
Տեսանյութում երևում է, թե ինչպես է տղամարդը բանկոմատի առաջ դրված պայուսակի մեջ լցնում դուրս թափվող թղթադրամները:
Bitcoin Technologies ընկերության տնօրեն Ադամ Գրամովսկին խոստովանել է, որ պետք է բանկոմատների բարելավման մեթոդներ մշակվեն, որպեսզի նման խափանումները հետագայում բացառվեն:
Տեսանյութից դատելով՝ կայարանի պահակը կանգնել է բանկոմատի շուրջը՝ ներկաներից պաշտպանելու հաճախորդին և նրա գումարը, ինչի շնորհիվ ներկաներին չի հաջողվել գողանալ թղթադրամները: