Ավիաընկերության բորտուղեկցորդը թռիչքի ժամանակ անդադար լացող փոքրիկին գիրկն է առել, օրորել և քնեցրել (տեսանյութ)
Ամերիկյան Southwest բյուջետային ավիաընկերության բորտուղեկցորդ Ուեսլի Հանտը թռիչքի ժամանակ անդադար լացող 9 ամսական փոքրիկին գիրկն է առել, օրորել և քնեցրել, որից հետո հանձնել մորը, հայտնում է theepochtimes.com-ը:
Այս պատմության մասին իր ֆեյսբուքյան էջում պատմել է երեխայի մայրը՝ Էշլի Դոուելը: Էշլին ամուսնու և 3 երեխաների՝ 4 և 7 տարեկան որդիների և 9 ամսական դստեր հետ մեկնում էր Disney World: Թռիչքի ժամանակ երեխան սկսել է անդադար լացել՝ անհարմարություն պատճառելով ուղևորներին:
«Մեզ թվում էր՝ բոլորն ուզում են դուրս հանել մեզ ինքնաթիռից»,- գրել է Դոուելը:
Նրան օգնության է հասել բորտուղեկցորդը, մոր ձեռքից վերցրել երեխային ու սկսել օրորել: Երեխան հանգստացել է ու քնել:
«Ես պաշտում եմ փոքրիկ երեխաներին, ես 100-ը կունենայի»,- կատակել է երիտասարդը: